ଆନନ୍ଦପୁର, (ବାଘୁଆବାର୍ତ୍ତା): ଆନନ୍ଦପୁର ଥାନା ଶାଳବଣି ପଞ୍ଚାୟତ ପଣ୍ଡୁଆ ଗ୍ରାମରେ ଜଣେ ଆଦିବାସୀ ଅବିବାହିତ ଝିଅ ଗର୍ଭବତୀ ହେବା ଘଟଣା ଚର୍ଚ୍ଚାର ପରିସରକୁ ଆସିଛି। ଏପରିକି ଅବିବାହିତା ଝିଅ ଗର୍ଭବତୀ ହେବା ସମୟରେ ନାବାଳିକା ଥିବା ଘଟଣାକୁ ଅଧିକ ସଙ୍ଗୀନ କରିଛି। ସଂପୃକ୍ତ ଝିଅର ସ୍କୁଲ ପ୍ରମାଣପତ୍ର ଅନୁଯାୟୀ ତାର ଜନ୍ମ ତାରିଖ ୧୦.୦୫.୨୦୦୩ ରହିଥିବା ଓ ଆଧାର କାର୍ଡ ରେ ଜନ୍ମ ତାରିଖ ୦୭.୦୯.୨୦୦୩ ରହିଥିବା ଜଣାପଡିଛି। ଝିଅ ଏବେ ୭ ମାସର ଗର୍ଭବତୀ ଥିବା ପରିବାର ଲୋକେ ସୂଚନା ଦେଇଛନ୍ତି। ଝିଅ ସ୍ଥାନୀୟ ଜଣେ ଟ୍ରାକ୍ଟର ମାଲିକର ଟ୍ରେକ୍ଟରରେ ଦିନ ମଜୁରିଆ ଭାବେ କାମ କରିବାକୁ ଯାଉଥିବା ପରିବାରରୁ ସୂଚନା ମିଳିଛି। ଟ୍ରାକଟର ଚାଳକ ସହିତ ଝିଅର ପ୍ରେମ ସମ୍ପର୍କ ଗଢି ଉଠିବା ଓ ଜାନୁୟାରୀ ମାସ ମକର ପର୍ବ ସମୟରେ ଟ୍ରାକ୍ଟର ଚାଳକ ସହିତ ଶାରୀରିକ ସମ୍ପର୍କ ରକ୍ଷା କରିବା ଗର୍ଭବତୀର କାରଣ ବୋଲି ପରିବାର ଲୋକେ ସୂଚନା ଦେଇଛନ୍ତି। ପରବର୍ତ୍ତୀ ସମୟରେ ଟ୍ରାକ୍ଟର ଚାଳକ ଝିଅକୁ ବିବାହ କରିବାକୁ ଅମଙ୍ଗ ହେବା ଅନ୍ୟ ଆଡ଼େ ଲୁଚି ପଳେଇବା ଘଟଣାରେ ଝିଅର ପରିବାର ଲୋକେ ୬.୯.୨୧ ରେ ଆନନ୍ଦପୁର ଥାନାରେ ଲିଖିତ ଅଭିଯୋଗ କରିଥିବା ଜଣାପଡିଛି। ହେଲେ ଏ ସମ୍ପର୍କରେ କୌଣସି ମାମଲା ରୁଜୁ ହୋଇନଥିବା ଥାନା ପକ୍ଷରୁ ସୂଚନା ମିଳିଛି। ଏଭଳି ଘଟଣାରେ ଝିଅର ବାପା ମାଆ ନ୍ୟାୟ ଅପେକ୍ଷାରେ ଦିନ କଟିବଭଳି ପରିସ୍ଥିତି ସୃଷ୍ଟି ହୋଇଛି।
