ଯୁବକଙ୍କ ଉନ୍ମୁକ୍ତ କାଣ୍ଡ, ରାସ୍ତାରେ କଲେଜ ଛାତ୍ରୀଙ୍କୁ ଟଣାଓଟରା କରୁଥିବାରୁ ଲୋକେ ଧରି ପକାଇ ଉତ୍ତମ ମଧ୍ୟମ ଦେଇଥିଲେ

ସାଲେପୁର, (ବାଘୁଆବାର୍ତ୍ତା): ଯୁବକଙ୍କ ଉନ୍ମୁକ୍ତ କାଣ୍ଡ। ଜଣେ କଲେଜ ଛାତ୍ରୀଙ୍କୁ ରାସ୍ତା ଉପରେ ଜୋରଜବରଦସ୍ତ ଆକ୍ରମଣ କରିବା ସହିତ ଟଣାଓଟରା କରି ଥିଲା। ଏଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ସାଲେପୁର ବିସେଶ୍ୱର ମନ୍ଦିର ନିକଟ ରାସ୍ତାରେ । ଛାତ୍ରୀ ଜଣକ କଲେଜରୁ ଘରକୁ ଯାଉଥିଲେ। ଯୁବକ ଜଣକ ସ୍ଥାନୀୟ ଚନ୍ଦ୍ରାଦେଇପୁର ଅଞ୍ଚଳର ବୋଲି ଜଣାପଡିଥିବା ବେଳେ ତା ନାମ କାଳୁ ଗୋଛୟତ ବୋଲି ଜଣାପଡିଛି। କାଳୁ କେନାଲରେ ଡେଇଁ ପଳାଇ ଯାଉଥିବା ସମୟରେ ସ୍ଥାନୀୟ ଲୋକମାନେ ତାକୁ କାବୁ କରି ଉତ୍ତମ ମଧ୍ୟମ ଦେଇଥିଲେ । ପରେ ଲୋକେ ଉକ୍ତ ଯୁବକକୁ ପୋଲିସ ଜିମା ଦେଇଥିବାବେଳେ ଛାତ୍ରୀଙ୍କୁ ତାଙ୍କ ପରିବାର ଜିମା ଦେଇଥିବା ଜଣାପଡିଛି। ପୋଲିସ ସମ୍ପୃକ୍ତ ଯୁବକକୁ ଥାନାରେ ଅଟକରଖି ପଚରାଉଚରା କରୁଥିବା ଜଣାପଡ଼ିଛି ।