ରେଲୱେ ଲାଇନ ଲେବଲ କ୍ରସିଂ ନିକଟରେ ଜଣେ ଯୁବକ ଟ୍ରେନରେ କଟି ପ୍ରାଣ ହରାଇଛନ୍ତି

ନୂଆପଡା, (ବାଘୁଆବାର୍ତ୍ତା): ନୂଆପଡା ଜିଲ୍ଲା ଲଖନା ଥାନା ମୁରଳିବାହାଳି ଗାଁ ନିକଟ ରେଲୱେ ଲାଇନ ଲେବଲ କ୍ରସିଂ ନିକଟରେ ଜଣେ ଯୁବକ ଟ୍ରେନରେ କଟି ପ୍ରାଣ ହରାଇଛନ୍ତି । ମୃତକ ଯୁବକ ଜଣକ କୋମନା ଥାନା କାଣ୍ଡେତରା ଗାଁର ପୁସ୍ତମ ସତନାମୀ(୨୮) ବୋଲି ଜଣା ପଡ଼ିଛି । ଆଜି ସକାଳୁ ମୁରଳିବାହାଳି ଗାଁ ରେଲୱେ ଲେବଲ କ୍ରସିଂ ନିକଟରେ ଟ୍ରେନରେ କଟି ମୁଣ୍ଡ ଗଣ୍ଡି ଅଲଗା ହୋଇ ପୁସ୍ତମଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ । ଏନେଇ ସ୍ଥାନୀୟ ଲୋକେ ରେଲୱେ ପୁଲିସକୁ ଖବର ଦେବାରୁ ଟିଟିଲାଗଡ଼ ରେଲୱେ ପୁଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ନେଇଥିଲେ । ତେବେ ପୁସ୍ତମ କାହିଁକି ଆତ୍ମହତ୍ୟା କରିଛନ୍ତି ନା କିଏ ତାଙ୍କୁ ହତ୍ୟା କରି ଟ୍ରେନ ଧାରଣାରେ ଫିଙ୍ଗି ଦେଇଛି ତାହା ସ୍ପଷ୍ଟ ହୋଇ ପାରିନାହିଁ । ତେବେ ଘଟଣାର ବିଭିନ୍ନ ଦିଗକୁ ନେଇ ରେଲୱେ ପୁଲିସ ଆରମ୍ଭ କରିଛି ।