ପାଟଣା, (ବାଘୁଆବାର୍ତ୍ତା): କେନ୍ଦୁଝର ଜିଲ୍ଲା ପାଟଣା ରେଞ୍ଜ ସାହାରପଡା ସେକ୍ସନ ଅନ୍ତର୍ଗତ ରାଇଡିହା ବିଟ୍ ଅଧିନ ବରବେଡା ଗ୍ରାମରୁ ଲକ୍ଷାଧିକ ଟଙ୍କାର ଶାଳଗଣ୍ଡି ଜବତ କରିଛି ବନ ବିଭାଗ । ଉକ୍ତ ଗ୍ରାମରେ ଗଛ କଟାଯାଉଥିବା ବନ ବିଭାଗ କୌଣସି ସୂତ୍ରରୁ ଖବର ପାଇଥିଲା । ଏହାକୁ ନେଇ ସାହାରପଡା ବନପାଳ ମୋହିନୀ ମହାନ୍ତ ଶୁକ୍ରବାର ଦିନ ବରବେଡା ଗ୍ରାମରେ ଚଢ଼ାଉ କରିବା ସମୟରେ ୨ ଜଣ କରତିଆଙ୍କୁ ଅଟକ ରଖିବା ସହ ୪ ଟି ଶାଳ ଗଣ୍ଡି ଜବତ କରିଛନ୍ତି । ଜବତ କାଠର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ବନପାଳ ସୂଚନା ଦେଇଛନ୍ତି । ଏଥି ସହ ଗଛ କାଟୁଥିବା ଦୁଇ କରତ କଟାଳିଙ୍କୁ ଅଟକ ରଖି ତଦନ୍ତ ଚଳାଇଛନ୍ତି । ଅଟକ ଦୁଇ କରତ କଟାଳି ହେଲେ ଝାଡ଼ଖଣ୍ଡ ଅଞ୍ଚଳର ମେହବୁବ ଆନସାରୀ (୨୫)ଓ ଖାଲିଫ ଆନସାରୀ (୨୮) । ଏହି ଚଢ଼ାଉରେ ପାଟଣା ରେଞ୍ଜର କର୍ମଚାରୀ ସମେତ ପାରା ଷ୍ଟାଫ ସାମିଲ ଥିଲେ ।
