ବାପ-ପୁଅଙ୍କୁ ଧକ୍କା ଦେଲା ଅଜଣା ଗାଡି, ଦୁର୍ଘଟଣାରେ ବାପାଙ୍କ ମୃତ୍ୟୁ ଘଟିଥିବାବେଳେ ୬ ବର୍ଷର ଶିଶୁ ପୁତ୍ର ଗୁରୁତର

ଆନନ୍ଦପୁର, (ବାଘୁଆବାର୍ତ୍ତା): ଭଦ୍ରକ ରାସ୍ତାର ଚାରିନାଳିଆ ଛକଠାରେ ବାଇକ୍ ଆରୋହୀ ବାପ-ପୁଅଙ୍କୁ ଧକ୍କା ଦେଲା ଅଜଣା ଗାଡି । ଦୁର୍ଘଟଣାରେ ବାପାଙ୍କ ମୃତ୍ୟୁ ଘଟିଥିବାବେଳେ ୬ ବର୍ଷର ଶିଶୁ ପୁତ୍ର ଗୁରୁତର ଆହତ ହୋଇଛନ୍ତି । ଶିଶୁ ପୁତ୍ରକୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ରାମଚନ୍ଦ୍ରପୁର ଥାନା ନୂଆଗଡ ଗାଁର ଶିକ୍ଷକ ଗୌତମ ଦେହୁରୀ ନିଜ ୬ ବର୍ଷର ଶିଶୁ ପୁତ୍ରକୁ ସାଙ୍ଗରେ ଧରି ଭଦ୍ରକ ବାରିକପୁର ଅଞ୍ଚଳରେ ଥିବା ଶ୍ବଶୁର ଘରକୁ ସ୍ତ୍ରୀ ଓ ସାନ ପୁଅକୁ ଆଣିବାକୁ ବାହାରିଥିଲେ । ବାଇକ୍ ଯୋଗେ ଯିବା ବାଟରେ ଚାରିନାଳିଆ ଛକ ନିକଟରେ ପଛପଟୁ କୌଣସି ଏକ ଗାଡି ଧକ୍କା ଦେବାରୁ ଉଭୟେ ଗୁରୁତର ହୋଇଥିଲେ । ସ୍ଥାନୀୟ ଲୋକେ ବାପ-ପୁଅଙ୍କୁ ଆମ୍ବୁଲାନ୍ସ ଯୋଗେ ଆନନ୍ଦପୁର ଡାକ୍ତରଖାନା ପଠାଇଥିଲେ । ହେଲେ ସେଠାରେ ଗୌତମ ଡାକ୍ତର ମୃତ ଘୋଷଣା କରିଛନ୍ତି । ଗୁରୁତର ଶିଶୁ ପୁତ୍ରର ଚିକିତ୍ସା ଚାଲିଛି । ଦୁର୍ଘଟଣାର ଖବରପାଇ ପୋଲିସ ତଦନ୍ତ ଆରମ୍ଭ କରିଥିଲେ ମଧ୍ୟ ଦୁର୍ଘଟଣା ଘଟାଇଥିବା ଗାଡିର ଏଯାଏଁ କୌଣସି ସନ୍ଧାନ ମିଳିପାରି ନାହିଁ ।