ନୟାଗଡ଼ (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା କମ୍ପ୍ୟୁଟର ଶିକ୍ଷାନୁଷ୍ଠାନ ସଂଘ ପକ୍ଷରୁ ଆଜି ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ନୟାଗଡ଼ ତ୍ରିନାଥ ଛକ ନିକଟସ୍ଥ ସତ୍ୟମ କମ୍ପ୍ୟୁଟର ଇନଷ୍ଟିଚ୍ୟୁଟ ଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଛାତ୍ରଛାତ୍ରୀ ମାନେ ବେଆଇନ କମ୍ପ୍ୟୁଟର ଇନଷ୍ଟିଚ୍ୟୁଟରେ ନପଢ଼ିବା ପାଇଁ ଦାବି କରାଯାଇଛି । ସରକାରଙ୍କ ସିକୃତି ପ୍ରାପ୍ତ ଅନୁଷ୍ଠାନରେ ପାଠ ପଢ଼ିବା ପାଇଁ ଛାତ୍ରଛାତ୍ରୀଙ୍କୁ ଅନୁରୋଧ କରାଯାଇଛି । ଅନୁଷ୍ଠାନର ସଭାପତି ଧୀରେନ୍ଦ୍ର ପଟ୍ଟନାୟକ ଉପସଭାପତି ଶିଶିର ରଞ୍ଜନ ସାହୁ, ସମ୍ପାଦକ ପ୍ରଫୁଲ୍ଲ କୁମାର ମହାନ୍ତି, ସହସମ୍ପାଦକ ନିର୍ମଳ କୁମାର ହୋତା ପ୍ରମ୍ମୁଖ ଯୋଗ ଦେଇଥିଲେ । ସୂଚନାନୁସାରେ ବର୍ତ୍ତମାନ ରାଜ୍ୟରେ ୧୦ ହଜାରରୁ ଉଦ୍ଧ୍ୱର୍ ବେଆଇନ କମ୍ପ୍ୟୁଟର ତାଲିମ କେନ୍ଦ୍ର ଖୋଲିଛି । ଉକ୍ତ ଅନୁଷ୍ଠାନ ମାନଙ୍କ ଲାଗି ଅନେକ ଛାତ୍ରଛାତ୍ରୀ ସମସ୍ୟାର ସମ୍ମୁଖିନ ହୋଇଛନ୍ତି । ରାଜ୍ୟରେ ଏବେ ଅନେକ ଏନଜିଓ ଏବଂ ଅଣଅନୁମୋଦିତ ଶିକ୍ଷାନୁଷ୍ଠାନ ଶୋସାଇଟ ରେଜିଷ୍ଟ୍ରେସନ ଆକ୍ଟ – ୧୮୬୦ ରେ ପଞ୍ଜିକୃତ କରାଇ ଡିସିଏ ଓ ପିଜିଡିସିଏ ସାର୍ଟିଫିକେଟ ପ୍ରଦାନ କରୁଛନ୍ତି । ଏଆଇସିଟି, ଏନସିଭିଟି କିମ୍ବା କୌଣସି ବିଶ୍ୱ ବିଦ୍ୟାଳୟଠାରୁ ଅନୁମୋଦନ ନଆଣି ସାର୍ଟିିଫିକେଟ ପ୍ରଦାନ କରିବା ସମ୍ପୂର୍ଣ୍ଣ ବେଆଇନ ଅଟେ । ଏହି ସଂସ୍ଥା ମାନଙ୍କ ପ୍ରତି ନଜର ରଖିବା ପାଇଁ ରାଜ୍ୟ ସରକାର ପଦକ୍ଷେପ ନେଇଛନ୍ତି । ରାଜ୍ୟ ରାଜସ୍ୱ ପ୍ରସଙ୍ଗ ପକ୍ଷରୁ ସମସ୍ତ ଜିଲ୍ଲାର ଅତିରିକ୍ତ ଜିଲ୍ଲାପାଳ ତଥା ଅତିରିକ୍ତ ପଞ୍ଜିକରଣ ଅଧିକାରୀ ମାନଙ୍କୁ ନିର୍ଦ୍ଦେଶ ଦିଆଯାଇଛି । ଯଦି କୌଣସି ସଂସ୍ଥା ଏନଜିଓ କିମ୍ବା ସୋସାଇଟ ଆଇନ ୧୮୬୦ରେ ନିଜକୁ ପଞ୍ଜିକୃତ କରାଇ ଡିସିଏ, ପିଜିଡିସିଏ ଭଳି ପ୍ରମାଣ ପତ୍ର ଦେଉଛନ୍ତି ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସରକାର ଚିଠି କରିଛନ୍ତି । ରାଜ୍ୟ ସରକାରଙ୍କ ଏହି ନିଷ୍ପତ୍ତିକୁ ନୟାଗଡ଼ ଜିଲ୍ଲା କମ୍ପ୍ୟୁଟର ଶିକ୍ଷାନୁଷ୍ଠାନ ସଂଘ ପକ୍ଷରୁ ସ୍ୱାଗତ କରାଯାଉଛି ।
ବେଆଇନ ଶିକ୍ଷାନୁଷ୍ଠାନରେ ପଢ଼ନ୍ତୁ ନାହିଁ – ଜିଲ୍ଲା କମ୍ପ୍ୟୁଟର ଶିକ୍ଷାନୁଷ୍ଠାନ
