ସୁନା ଅଳଙ୍କାର ସଫା କରିବା କଥା କହି ଲୁଟି ନେଉଥିଲେ ଏକ ଠକ ଗ୍ୟାଙ୍ଗ

ମାଲକାନଗିରି, (ବାଘୁଆବାର୍ତ୍ତା): ସୁନା ଅଳଙ୍କାର ସଫା କରିବା କଥା କହି ଲୋକଙ୍କୁ ଠାରୁ ସୁନା ଚୋରି କରୁଥିବା ଏକ ଗ୍ୟାଙ୍ଗକୁ ଧରିଲେ ଗ୍ରାମବାସୀ। ମାଲକାନଗିରି କାଲିମେଳା ବ୍ଲକ ଅନ୍ତର୍ଗତ ଏମଭି ୭୯ ଗ୍ରାମବାସୀ ଏଭଳି ଏକ ଠକ ଗ୍ୟାଙ୍ଗକୁ ଧରି ପୋଲିସ ଜିମା ଦେଇଛନ୍ତି। ଏହି ଠକ ଗ୍ୟାଙ୍ଗ୍ ବିହାରରୁ ଆସି ଏମଭି ୭୯ ଆଖପାଖ ଅଞ୍ଚଳରେ ଗତ କିଛି ଦିନ ହେବ ଲୋକମାନଙ୍କ ସୁନା ଗହଣା ସଫା କରିବାକୁ କହି ଗାଁ ଗାଁ ବୁଲୁଥିଲେ। ସେମାନେ ସୁନା ଗହଣା ସଫା କରିବା ବଦଳରେ ଏଥିରେ ପିତଳ ମିଶାଇବା ସହ ସୁନା ଗହଣା ଲୁଟି ନେଉଥିଲେ। ତେବେ ଏହି ଠକ ଗ୍ୟାଙ୍ଗକୁ ଧରିବାରେ ସଫଳ ହୋଇଛନ୍ତି ଏମଭି ୭୯ ଗ୍ରାମବାସୀ। ଏହି ଠକ ଗ୍ୟାଙ୍ଗକୁ ଧରି ସେମାନେ ପୋଲିସ ଜିମା ଦେଇଛନ୍ତି। ଏହି ଗ୍ୟାଙ୍ଗରେ ୧୭ ଜଣ ଥିବା ଜଣାପଡିଛି। ଗତ କିଛି ଦିନ ଧରି ଏମାନେ ଗାଁ ଗାଁ ବୁଲି ଲୋକମାନଙ୍କୁ ଠକୁଥିଲେ। ପୋଲିସ ଏମାନଙ୍କୁ ଗିରଫ କରି ଏବେ କୋର୍ଟ ଚାଲାଣ କରିଛି।