ଓଡ଼ଗାଁ (ବାଘୁଆବାର୍ତ୍ତା ବ୍ୟୁରୋ): ନୟାଗଡ ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଓଡଗାଁ ଥାନା ସାଧାରଣ ସୁବିଧା କେନ୍ଦ୍ର ପରିସରରେ ଆଜି ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ୭୨ଜଣ ସ୍ୱେଚ୍ଛାକୃତ ରକ୍ତଦାନ କରିଥିଲେ । କାର୍ଯ୍ୟକ୍ରମକୁ ନୟାଗଡ ଏସ୍ପି ଆଶିଷ କୁମାର ସିଂ ଉଦ୍ଘାଟନ କରିଥିଲେ । କାର୍ଯ୍ୟକ୍ରମରେ ଏସଡିପିଓ ନାରାୟଣ ଚନ୍ଦ୍ର ବାରିକ, ଓଡଗାଁ ତହସିଲଦାର ସୁଧାକର ସାମନ୍ତରାୟ, ଓଡଗାଁ ଥାନା ଅଧିକାରୀ ଅନୀଲ କୁମାର ପ୍ରଧାନ,ଏଏସ୍ଆଇ ରମେଶ କୁମାର ବେହେରା, ଜିଲ୍ଲାକେନ୍ଦ୍ର ସମବାୟ ବ୍ୟାଙ୍କ ସଭାପତି ଲୋକନାଥ ସାହୁ, ବିଭୁପ୍ରସାଦ ସାହୁ ପ୍ରମୁଖ ଯୋଗ ଦେଇ ରକ୍ତଦାନ ସେବା, ଶାନ୍ତି ଓ ମାନବିକତାର ପ୍ରତିକ ବୋଲି ମତବ୍ୟକ୍ତ କରିଥିଲେ ।
ରେଡକ୍ରସ ଫୋରମ୍ ନୟାଗଡର ବିଭୂତି ଭୂଷଣ ପଟ୍ଟନାୟକ, ଜ୍ୟୋତିରଞ୍ଜନ ସାହୁ, ପ୍ରତାପ ରଣସିଂହ, ସୁଧିର କୁମାର ପଟ୍ଟନାୟକ ଓ ଅବସର ପ୍ରାପ୍ତ ଶିକ୍ଷକ ତଥା ସାମାଜିକ କର୍ମୀ ଦାମୋଦର ସାହୁ ଓ ଥାନା କର୍ମଚାରୀମାନେ ଶିବିର ପରିଚାଳନାରେ ସହଯୋଗ କରିଥିଲେ ।
