ନୂଆଦିଲ୍ଲୀ, (ବାଘୁଆବାର୍ତ୍ତା): ଭାରତର ଅଲରାଉଣ୍ଡର କୃନାଲ ପାଣ୍ଡ୍ୟାଙ୍କ ଯୋଗୁଁ ଗୋଟିଏ ଦିନ ପାଇଁ ଟି-୨୦ ମ୍ୟାଚକୁ ଘୁଞ୍ଚାଇ ଦିଆଯାଇଛି । କଲମ୍ବୋ ହେବାକୁ ଥିବା ଭାରତ-ଶ୍ରୀଲଙ୍କା ଟି-୨୦ ମ୍ୟାଚର ଦ୍ୱିତୀୟ ମ୍ୟାଚ୍ ପୂର୍ବରୁ ଭାରତର ଅଲରାଉଣ୍ଡର କୃନାଲ ପାଣ୍ଡ୍ୟାଙ୍କ କରୋନା ସଂକ୍ରମିତ ହୋଇଥିବା ଜଣାପଡିବା ପରେ ମ୍ୟାଚକୁ ଗୋଟିଏ ଦିନ ଘୁଞ୍ଚାଇ ଦିଆଯାଇଥିବା ଜଣାପଡିଛି । କୃନାଲଙ୍କ କରୋନା ପଜିଟିଭ୍ ଆସିବା ପରେ ଭାରତ ଓ ଶ୍ରିଲଙ୍କା ଟିମକୁ ଆଇସୋଲେସନରେ ରଖାଯାଇଛି । ତତ୍ ସହିତ ଯେଉଁ ଖେଳାଳୀମାନେ କୃନାଲଙ୍କ ସଂସ୍ପର୍ଶରେ ଆସିଛନ୍ତି ସେମାନଙ୍କୁ ମନିଟର କରାଯିବ । ମ୍ୟାଚକୁ ଯେଉଁ ଗୋଟିଏ ଦିନ ଘୁଞ୍ଚାଇ ଦିଆଯାଇଛି ଯଦି ସମସ୍ତ ଖେଳାଳୀଙ୍କ ରିପୋର୍ଟ ନେଗେଟିଭ୍ ଆସେ ତା’ ହେଲେ ବୁଧବାର ମ୍ୟାଚ୍ ହୋଇପାରେ ବୋଲି ସୂଚନା ମିଳିଛି ।
