୧୫ ଗ୍ରାମ ବ୍ରାଉନ ସୁଗାର ସହିତ ୫୧ ହଜାର ଟଙ୍କା, ୪ଟି ମୋବାଇଲ, ୨ଟି ମଟର ସାଇକେଲ ଓ ଗୋଟିଏ ସ୍କୁଟି ଜବତ ହୋଇଛି

ସୁନ୍ଦରଗଡ଼, (ବାଘୁଆବାର୍ତ୍ତା): ସୁନ୍ଦରଗଡ଼ରେ ବେଧଡ଼କ ଭାବେ ଚାଲିଛି ବ୍ରାଉନସୁଗାର ଚୋରା କାରବାର । ପର୍ଦ୍ଦାଫାଶ କଲା ପୋଲିସ । ଚଢାଉ କରି ୧୫ ଗ୍ରାମର ବ୍ରାଉନସୁଗାର ଜବତ ସହ ୫ଜଣଙ୍କୁ ଗିରଫ କରିଛି ସୁନ୍ଦରଗଡ଼ ପୋଲିସ । ଗିରଫ ହୋଇଥିବା ସମସ୍ତ ଅଭିଯୁକ୍ତ ସ୍ଥାନୀୟ ଅଞ୍ଚଳର । ବ୍ରାଉନସୁଗାର କାରବାର ନେଇ ସୁନ୍ଦରଗଡ଼ ପୋଲିସ ନିକଟରେ ବିଶେଷ ସୁତ୍ରରୁ ଖବର ପାଇଥିଲା । ଏହିକ୍ରମରେ ସୁନ୍ଦରଗଡ଼ ରାଜଗାଙ୍ଗପୁର ସହରରୁ ବ୍ରାଉନସୁଗାର ଜବତ ହୋଇଛି । ରାଜଗାଙ୍ଗପୁର ଜାମପାଲି ବାଇପାସରେ ବ୍ରାଉନସୁଗାର କାରବାର କରୁଥିବା ୫ ଜଣ ଯୁବକକୁ ଗିରଫ କରିଛି ପୋଲିସ୍ । ସେମାନଙ୍କ ଠାରୁ ୧୫ ଗ୍ରାମ ବ୍ରାଉନ ସୁଗାର ଜବତ କରିବା ସହ ୫୧ ହଜାର ୨୧୦ ଟଙ୍କା, ୪ ଟି ମୋବାଇଲ ଫୋନ, ୨ଟି ମଟର ସାଇକେଲ,ଗୋଟିଏ ସ୍କୁଟି ମଧ୍ୟ ଜବତ କରିଛି । ଗିରଫ ହୋଇଥିବା ସମସ୍ତେ ଅଭିଯୁକ୍ତ ସ୍ଥାନୀୟ ଅଞ୍ଚଳର ବୋଲି ଜଣା ପଡିଛି ।