୩୪ ହଜାର ଟଙ୍କା ଲୁଟିନେଇ ଫେରାର ହେଉଥିବା ବେଳେ ୨ କୁଖ୍ୟାତ ଡକାୟତଙ୍କୁ ଗିରଫ କରିଛି ପୋଲିସ

ଟାଙ୍ଗୀ, (ବାଘୁଆବାର୍ତ୍ତା): ୨ କୁଖ୍ୟାତ ଡକାୟତକୁ ଗିରଫ କଲା ଟାଙ୍ଗୀ ପୋଲିସ । ସେମାନଙ୍କଠୁ ମାଉଜର, ଜୀବନ୍ତ ଗୁଳି, ଗୋଟିଏ ବାଇକ୍ ଜବତ କରାଯାଇଛି । ଗନ୍-ପଏଣ୍ଟରେ ଆକ୍ରମଣ କରି ଡକାୟତି କରି ଫେରାର ବେଳେ ଏହି ୨ କୁଖ୍ୟାତ ଡକାୟତ ଧରାପଡିଛନ୍ତି । ଗିରଫ ଡକାୟତ ଦ୍ୱୟଙ୍କ ବିରୋଧରେ ବିଭିନ୍ନ ଥାନାରେ ଏକାଧିକ ଚୋରି-ଡକାୟତି ଓ ରାହାଜାନୀ ଭଳି ସଙ୍ଗୀନ ମାମଲା ରହିଛି । ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଧିନସ୍ଥ ମା’ ଉଗ୍ରତାରା ମନ୍ଦିର ନିକଟ ଜଙ୍ଗଲିଆ ସ୍ଥାନରେ ବିଳମ୍ବିତ ରାତ୍ରରେ ଡକାୟତି କରିବା ବେଳେ ଏହି ଡକାୟତ ଦୁହେଁ ଧରା ପଡିଛନ୍ତି । କୃଷ୍ଣ ଚନ୍ଦ୍ର ସାହୁ ଏବଂ ତାଙ୍କ ବନ୍ଧୁ ଶଙ୍କର ପ୍ରଧାନ ଦୁହେଁ କାର୍ ଗାଡ଼ିରେ ଯାଉଥିବା ବେଳେ ଏହି ଡକାୟତ ମାନେ ତାଙ୍କୁ ଗନ୍-ପଏଣ୍ଟରେ ଆକ୍ରମଣ କରିଥିଲେ । ସେମାନଙ୍କଠୁ ୩୪ ହଜାର ଟଙ୍କା ଲୁଟିନେଇ ଫେରାର ହେଉଥିବା ବେଳେ ପୋଲିସ ହାତରେ ଧରା ପଡିଯାଇଥିଲେ ।