କୃଷି ଆଇନ୍ ପତ୍ୟାହାର ଦାବି: ସଂସଦ ସମ୍ମୁଖରେ କୃଷକଙ୍କ ଧାରଣା

ଭୁବନେଶ୍ୱର,(ବାଘୁଆବାର୍ତ୍ତା): କେନ୍ଦ୍ର ସରକାର ଆଣିଥିବା କୃଷି ଆଇନକୁ ପ୍ରତ୍ୟାହାର କରିବା ନେଇ ଦୀର୍ଘ ୮ମାସ ହେବ କୃଷକ ସଂଗଠନ ଧାରଣା ବସିଛନ୍ତି । ଦିଲ୍ଲୀର ଜନ୍ତରମନ୍ତରରେ ଧାରଣା ପ୍ରଦର୍ଶନ କରିବାକୁ ଦିଲ୍ଲୀ ସରକାରଙ୍କ ପକ୍ଷରୁ କୃଷକଙ୍କୁ ଅନୁମତି ଦିଆଯାଇଛି । ଆଜି ଠାରୁ ଅଗଷ୍ଟ ୯ତାରିଖ ପର୍ଯ୍ୟନ୍ତ ସକାଳ ୧୧ଟା ରୁ ସନ୍ଧ୍ୟା ୫ଟା ଯାଏଁ କିଷାନ ମୋର୍ଚ୍ଚାର ସର୍ବାଧିକ ୨୦୦ପ୍ରଦର୍ଶନକାରୀ କୃଷକଙ୍କୁ ଧାରଣା ପ୍ରଦର୍ଶନ କରିବାକୁ ଅନୁମତି ଦେଇଛନ୍ତି । ପ୍ରତ୍ୟେକ ଦିନ ଯେଉଁମାନେ ସଂସଦ ପର୍ଯ୍ୟନ୍ତ ରାଲି ଯିବା ପାଇଁ ୨୦୦ କୃଷକଙ୍କୁ ପରିଚୟ ପତ୍ର ଦିଆଯିବ । ଦିଲ୍ଲୀ ପୁଲିସ୍ ଏହାପରେ ଅଟକାଏ ତେବେ ବିନା ବାଧାରେ ଗିରଫ୍ ହେବାକୁ ସମସ୍ତେ ପ୍ରସ୍ତୁତ ବୋଲି କହିଛନ୍ତି । କୃଷକ ମାନଙ୍କର ଏଭଳି ନିଷ୍ପତ୍ତିକୁ ସିଂଘୁ ସୀମାର ପୂରା ଅଞ୍ଚଳକୁ ପୁଲିସ୍ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।