କଟକ, (ବାଘୁଆବାର୍ତ୍ତା): ଓଡିଶା ସେକେଣ୍ଡାରୀ ସ୍କୁଲ୍ ଶିକ୍ଷକ ଯୋଗ୍ୟତା ପରୀକ୍ଷା (ଓ.ଏସ୍.ଏସ୍.ଟି.ଇ.ଟି) ଫର୍ମ ପୂରଣ ପାଇଁ ଧାର୍ୟ୍ୟ ହୋଇଥିବା ଅବଧିକୁ ବୋର୍ଡ ପୁଣି ୩ ଦିନ ଘୁଞ୍ଚା ଯାଇଛି । ଫର୍ମ ପୂରଣର ଶେଷ ତାରିଖ ଆସନ୍ତା ୨୦ ତାରିଖ ଯାଏ ଘୁଞ୍ଚାଇ ଦିଆଯାଇଥିବା ବୋର୍ଡ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଏହାକୁ ମିଶାଇ ଚଳିତ ସପ୍ତାହରେ ଓ.ଏସ୍.ଏସ୍.ଟି.ଇ.ଟି ଫର୍ମ ପୂରଣ ଅବଧିକୁ ୨ ଥର ବଢ଼ାଗଲାଣି । ସେକେଣ୍ଡାରୀ ସ୍କୁଲ୍ ଶିକ୍ଷକ ଯୋଗ୍ୟତା ପରୀକ୍ଷା ଲାଗି ଫର୍ମ ପୂରଣ ଦାଖଲର ଶେଷ ତାରିଖ ଗତ ୧୩ ତାରିଖ ଥିଲା । ମାତ୍ର କୋଭିଡ୍ ସମୟରେ ବିଭିନ୍ନ ସମସ୍ୟା ଯୋଗୁଁ ଇଚ୍ଛୁକ ପ୍ରାର୍ଥୀମାନେ ଫର୍ମ ପୂରଣ କରି ପାରି ନଥିବା ଜଣାପଡିବା ପରେ ଫର୍ମ ପୂରଣ ଅବଧିକୁ ୧୩ ତାରିଖରୁ ୧୮ ତାରିଖ ଯାଏ ବଢ଼ାଯାଇଥିଲା । ଆଜି ରବିବାର ଫର୍ମ ପୂରଣର ଶେଷ ଦିନ ଥିଲା । ମାତ୍ର ଏହି ପରୀକ୍ଷା ଲାଗି ଆବେଦନକାରୀଙ୍କ ସଂଖ୍ୟା ପୂର୍ବ ବର୍ଷ ତୁଳନାରେ ବହୁ କମ୍ ଥିବାରୁ ଫର୍ମ ପୂରଣ ଲାଗି ଆଉ ୩ ଦିନ ସମୟ ଦିଆଯାଇଛି । ଅର୍ଥାତ୍ ୨୦ ତାରିଖ ରାତି ୧୨ଟା ସୁଦ୍ଧା ଫର୍ମ ପୂରଣ ଦାଖଲର ଶେଷ ସମୟ ଥିବା ବୋର୍ଡ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ତେବେ ଓ.ଏସ୍.ଏସ୍.ଟି.ଇ.ଟି ପରୀକ୍ଷା ଲାଗି ଏଥର ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଗାଇଡ୍ଲାଇନ୍ରେ ପରିବର୍ତ୍ତନ କରିଛି ।
ଓ.ଏସ.ଏସ.ଟି.ଇ.ଟି. ର ଫର୍ମ ପୂରଣ ୨୦ ତାରଖ ଯାଏଁ ଘୁଞ୍ଚାଇ ଦିଆଯାଇଛି
