ଖଲ୍ଲିକୋଟ, (ବାଘୁଆବାର୍ତ୍ତା): ଗଂଜାମ ଜିଲା ଛତ୍ରପୁର ଥାନା ଅନ୍ତର୍ଗତ ସୁନ୍ଦରପୁର ଗାଁରେ ଘଟିଛି ଏକ ଅଭାବନୀୟ ଘଟଣା । ସଂପର୍କକୁ ଭୁଲିଯାଇ କାତି ଚୋଟରେ ବଡ ମା’ କୁ ହତ୍ୟା କରିଛି ପୁତୁରା । ଗାଁର ଦୁର୍ଗାଚରଣ ମଣ୍ଡଳଙ୍କ ମା ୮୦ ବର୍ଷୀୟ ପଦ୍ମାବତୀ ଜଣେ ପକ୍ଷାଘାତ ରୋଗୀ । ସେ ଘରେ ଶୋଇଥିବା ବେଳେ ଦିନ ୧୨ ଟା ସମୟରେ ଦାସରଥି ମଣ୍ଡଳଙ୍କ ପୁଅ ସିତାରାମ ହଠାତ ଆସି ପଦ୍ମାବତୀଙ୍କ ମୁଣ୍ଡକୁ କାତିରେ ଆକ୍ରମଣ କରିଥିଲା । ଅନ୍ୟ ଏକ ଘରେ ରହିଥିବା ପୁଅ ଦୁର୍ଗା ଦୈାଡି ଆସିବା ବେଳେ ଅଭିଯୁକ୍ତ ସେଠାରୁ ଫେରାର ହୋଇଯାଇଥିଲା । ତେବେ ଘଟଣାସ୍ଥଳରେ ହିଁ ପଦ୍ମାବତୀଙ୍କ ମୃତ୍ୟୁ ଘଟିଥିଲା । ଖବର ପାଇ ଛତ୍ରପୁର ପୁଲିସ ଘଟଣା ସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଥିବା ବେଳେ ଅଭିଯୁକ୍ତ ସେଠାରୁ ଫେରାର ହୋଇଯାଇଥିଲା । ଘରର ବିଭିନ୍ନ ସ୍ଥାନରେ ରକ୍ତ ପଡିଥିବା ଦେଖିବାକୁ ମିଳିଛି । ଅନ୍ୟପଟେ ହତ୍ୟାକାଣ୍ଡର ପ୍ରକୃତ କାରଣ ଅସ୍ୱଷ୍ଟ ରହିଛି । ଉଭୟ ପରିବାର ମଧ୍ୟରେ କୈାଣସି ବାଦବିବାଦ ନଥିବା ମୃତକଙ୍କ ପୁଅ ଦୁର୍ଗା କହିଛନ୍ତି । ପୋଲିସ ଅଧିକ ତଦନ୍ତ ଜାରି ରଖିଛି ।
