ନୟାଗଡ଼, (ବାଘୁଆବାର୍ତ୍ତା): ଜିଲ୍ଲାରେ ଥିବା ହୋଟେଲ୍ ଓ ଲଜରେ ଚାଲିଥିଲା ସେକ୍ସ ରାକେଟ୍ । ପୁଲିସ୍ ପାଖରେ ସୂଚନା ପହଞ୍ଚିବା ପରେ ଚଢଉ କରିଛି ପୁଲିସ୍ । ଚଢଉ ସମୟରେ ହୋଟେଲ୍ ମାଲିକ ସମେତ ୫ଜଣଙ୍କୁ ଗିରଫ୍ କରିଛି । ଏଭଳି ଘଟଣା ଘଟିଛି ରାଉଲକେଲା ଅଞ୍ଚଳରେ । ସୂଚନାନୁସାରେ, ରାଉଲକେଲା କଚେରୀ ରୋଡ ଅଞ୍ଚଳରେ ଥିବା କମ୍ଫର୍ଟ ହୋଟେଲରେ ସେକ୍ସ ରାକେଟ୍ ଚାଲିଥିବା ନେଇ ପୁଲିସ୍ ପାଖରେ ପକ୍କା ପ୍ରମାଣ ଲାଗିବା ପରେ ପ୍ଲାଣ୍ଟ ସାଇଟ୍ ଥାନା ଓ ଉଦିତନଗର ଥାନା ପୁଲିସ୍ ମିଳିତ ଭାବେ ବୁଧବାର ବିଳମ୍ବିତ ରାତିରେ ଚଢଉ କରିଥିଲା । ଚଢଉ ସମୟରେ ୫ଜଣ ଯୁବତୀଙ୍କୁ ଉଦ୍ଧାର କରିବା ସହ ୨ଜଣ ଯୁବକ ଓ ୨ଜଣ ହୋଟେଲ୍ କର୍ମଚାରୀଙ୍କୁ ଉଦିତନଗର ଥାନାରେ ପଚରାଉଚରା କରିବା ପାଇଁ ଅଟକ ରଖିଥିଲା ପୁଲିସ୍ । ୫ଜଣ ଯୁବତୀଙ୍କ ମଧ୍ୟରୁ ୪ଜଣ ପଶ୍ଚିମବଙ୍ଗ ହୋଇଥିବା ଜଣାପଡିଛି । ଏହି ସେକ୍ସ ରାକେଟ୍ କେଉଁ ମାନେ ସଂପୃକ୍ତ ଅଛନ୍ତି ପୁଲିସ୍ ଅଧିକ ତଦନ୍ତ ଜାରି ରଖିଛି ।
