ସମ୍ବଲପୁର, (ବାଘୁଆବାର୍ତ୍ତା): ଜମିବାଡ଼ି ବିବାଦକୁ କେନ୍ଦ୍ର କରି ଗୋଷ୍ଠୀ ସଙ୍ଘର୍ଷ। ଭୟ ସୃଷ୍ଟି କରିବାକୁ ଡବଲ ବ୍ୟାରେଲ ବନ୍ଧୁକ ବୁଲାଇଲେ ଅବସର ପ୍ରାପ୍ତ ପ୍ରଫେସରଙ୍କ ପୁଅ। ସମ୍ବଲପୁର ଜିଲ୍ଲା ବୁର୍ଲା ଥାନା ପଞ୍ଚମୁଖୀ ଢାବା ନିକଟରେ ଏଭଳି ଘଟଣା ଘଟିଛି। ଯାହାର ଭିଡିଓ ଏବେ ମୋବାଇଲରୁ ମୋବାଇଲକୁ ଘୂରି ବୁଲୁଛି। ବୁର୍ଲା ଥାନା ପଞ୍ଚମୁଖୀ ଢାବା ନିକଟରେ ଜମିବାଡି ବିବାଦକୁ କେନ୍ଦ୍ର କରି ଦୁଇ ଗୋଷ୍ଠି ମଧ୍ୟରେ ସଂଘର୍ଷ ହୋଇଛି। ଗୋଷ୍ଠୀ ସଙ୍ଘର୍ଷ ବେଳେ ସମ୍ବଲପୁର ବିଶ୍ଵବିଦ୍ୟାଳୟର ଅବସରପ୍ରାପ୍ତ ପ୍ରଫେସର କେଶବ ପଣ୍ଡାଙ୍କ ପୁଅ ଭୟ ସୃଷ୍ଟି କରିବାକୁ ଡବଲ ବ୍ୟାରେଲ ବନ୍ଧୁକ ବୁଲାଇଥିବା ଦେଖିବାକୁ ମିଳିଛି। ଏହି ଘଟଣାର ଏକ ଭିଡିଓ ମୋବାଇଲରୁ ମୋବାଇଲକୁ ଘୂରି ବୁଲୁଛି। ତେବେ ଏନେଇ ଉଭୟ ପକ୍ଷରୁ ଏତଲା ହେବା ପରେ ବୁର୍ଲା ପୋଲିସ ୫ ଜଣଙ୍କୁ ଗିରଫ କରିଛି। ଗିରଫ ହୋଇଥିବା ୫ଜଣଙ୍କ ମଧ୍ୟରେ ଅବସରପ୍ରାପ୍ତ ପ୍ରଫେସର କେଶବ ପଣ୍ଡା ଓ ତାଙ୍କ ଦୁଇ ପୁଅ ଦୁର୍ଗେଶ ପଣ୍ଡା, ଦୀନେଶ ପଣ୍ଡା ରହିଛନ୍ତି। ସେହିପରି ଅପରପକ୍ଷର ବସନ୍ତ ନାୟକ ଓ ମଧୁ ସିଂ ଗିରଫ ହୋଇଛନ୍ତି । ତେବେ ଗୋଷ୍ଠି ସଂଘର୍ଷ ସମୟରେ ବ୍ୟବହାର ହୋଇଥିବା ବନ୍ଧୁକଟି ଅବସର ପ୍ରାପ୍ତ ପ୍ରଫେସରଙ୍କ ବୋଲି ଜଣାପଡିଛି । ଉକ୍ତ ବନ୍ଧୁକକୁ ପୋଲିସ ଜବତ କରିଛି।
