ମୁମ୍ବାଇ, (ବାଘୁଆବାର୍ତ୍ତା): ମିସ୍ ଇଣ୍ଡିଆ ତାଜ ଅର୍ଜନ କରିଥିବା ରିୟା ରୈକୱାରଙ୍କ ମା ପୋଲିସ ଠାରୁ ହଇରାଣ ହରକତ ହେବା ପରେ ଆତ୍ମହତ୍ୟା କରିଛନ୍ତି। ୟୁପିର ବାନ୍ଦାରେ ସେ ତାଙ୍କ ପୁଅର ଅପହରଣ ରିପୋର୍ଟ ଦାଖଲ କରିବାକୁ ଯାଇଥିଲେ ଯେଉଁଠାରେ ପୋଲିସ ତାଙ୍କ ସହ ଅସଦାଚରଣ କରିଥିଲା। ପୋଲିସ୍ ଷ୍ଟେସନରେ ଅପମାନିତ ହୋଇ ମହିଳା ଜଣକ ଘରକୁ ଫେରି ରେଲିଂରେ ଝୁଲି ଆତ୍ମହତ୍ୟା କରିଛନ୍ତି, ଯାହା ସେ ଫେସବୁକରେ ଲାଇଭ୍ ମଧ୍ୟ କରିଥିଲେ। ପରିବାର ସଦସ୍ୟ ପୋଲିସ ଉପରେ ନିର୍ୟାତନା ଦେଇଥିବା ଅଭିଯୋଗ କରିଛନ୍ତି। ମହିଳାଙ୍କର ଏକ ଝିଅ, ରିୟା ରୈକୱାର, ଏକ ଫ୍ୟାଶନ ମଡେଲ । ସେ ଏକ ସଂସ୍ଥା ଦ୍ୱାରା ଆୟୋଜିତ ମିସ୍ ଇଣ୍ଡିଆ ତାଜ ଜିତିଛନ୍ତି । ବାସ୍ତବରେ ରିୟା ରୈକୱାରଙ୍କ ମା ସୁଧା ରୈକୱାର ତାଙ୍କ ପୁଅର ଅପହରଣ ରିପୋର୍ଟ ଲେଖାଇବା ପାଇଁ ଥାନାକୁ ଯାଇଥିଲେ । ଯେଉଁଠାରେ ପୋଲିସ ତାଙ୍କୁ ସକାଳରୁ ସନ୍ଧ୍ୟା ପର୍ୟ୍ୟନ୍ତ ଥାନାରେ ବସାଇ ମାନସିକ ନିର୍ୟ୍ୟାତନା ଦେଇଥିଲା ଏବଂ ପରେ ଏଫଆଇଆର ଲେଖିବା ପରିବର୍ତ୍ତେ, ମହିଳାଙ୍କ ଭାଇଙ୍କୁ ଲକଅପରେ ରଖିଥିଲା । ଯାହାଙ୍କ ଉପରେ ଅପହରଣର ଅଭିଯୋଗ ହୋଇଛି ତାଙ୍କ ଆଦେଶ ଅନୁଯାୟୀ ପୋଲିସ ଏପରି କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ତେବେ ଏହି ଘଟଣା ପଛରେ ଟଙ୍କା କାରବାରର ବିବାଦ ବୋଲି ପୋଲିସ କହିଛି। ଏଥିସହ ପୋଲିସ କହିଛି ଯେ ରିୟାଙ୍କ ବାପା ଫାଇନାନ୍ସ କାର୍ୟ୍ୟ କରୁଥିଲେ ଯେଉଁଥିରେ ଅନେକ ଲୋକଙ୍କ ଟଙ୍କା ଅଟକି ରହିଥିଲା। ଅନ୍ୟପକ୍ଷରେ ମହିଳାଙ୍କ ଉଭୟ ଝିଅଙ୍କ ଅବସ୍ଥା ଭଲ ନାହିଁ। ପରିବାର ପୋଲିସ ବିରୋଧରେ ଅପରାଧୀଙ୍କ ସହ ମିଶି କାମ କରିବା ପରି ଗୁରୁତର ଅଭିଯୋଗ ଆଣିଛି। ଡାକ୍ତରଖାନାରେ ପରିବାର ସଦସ୍ୟ ଏବଂ ପୋଲିସ ମଧ୍ୟରେ ଅନେକ ଥର ତୀବ୍ର ଯୁକ୍ତିତର୍କ ହୋଇଛି । ପୋଲିସ କହିଛି ଯେ ସେମାନେ ମହିଳାଙ୍କ ନିଖୋଜ ପୁଅକୁ ଖୋଜୁଛନ୍ତି।
ମିସ୍ ଇଣ୍ଡିଆ ତାଜ୍ ବିଜେତା ରିୟା ରୈକୱାର ମା’ ଙ୍କ ଆତ୍ମହତ୍ୟା
