କେନ୍ଦ୍ରାପଡା, (ବାଘୁଆବାର୍ତ୍ତା): ରାତ୍ରୀ ଆଶ୍ରୟସ୍ଥଳୀରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର। କେନ୍ଦ୍ରାପଡା ମ୍ୟୁନିସିପାଲଟି ପରିଚାଳିତ ଜୟପୁରା ସ୍ଥିତ ଏକ ରାତ୍ରୀ ଆଶ୍ରୟସ୍ଥଳୀରୁ ଜଣେ ବ୍ୟକ୍ତିଙ୍କ ଗଳିତ ମୃତଦେହ ଉଦ୍ଧାର ହୋଇଛି। ମୃତ ଯୁବକ ଜଣଙ୍କ ହେଲେ ପଟ୍ଟାମୁଣ୍ଡାଇ ଅଞ୍ଚଳର ପାନ୍ତୁରି ଗ୍ରାମର ସୂର୍ୟ୍ୟକାନ୍ତ ରାଉତ। ପଟ୍ଟାମୁଣ୍ଡାଇ ଅଞ୍ଚଳର ପାନ୍ତୁରି ଗ୍ରାମର ସୂର୍ୟ୍ୟକାନ୍ତ ରାଉତ ଗତ ଜୁଲାଇ ୭ ତାରିଖରୁ କାମ ସନ୍ଧାନରେ ଘରୁ ବାହାରିଥିଲେ। ସେ ଗତକାଲି ଟାଉନ ଥାନା ଅନ୍ତର୍ଗତ ଜୟପୁରା ସ୍ଥିତ ରାତ୍ରୀ ଆଶ୍ରୟସ୍ଥଳୀରେ ଆଶ୍ରୟ ନେଇଥିଲେ। ଆଜି ସକାଳୁ ସୂର୍ୟ୍ୟକାନ୍ତଙ୍କର ଶୋଇବା ଅବସ୍ଥାରେ ମୃତଦେହ ଉଦ୍ଧାର ହୋଇଛି। ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଛି। ତେବେ ସୂର୍ୟ୍ୟକାନ୍ତଙ୍କ ମୃତ୍ୟୁର କାରଣ ସ୍ପଷ୍ଟ ହୋଇନାହିଁ। ଏହା ହତ୍ୟା ହୋଇଥାଇପାରେ ବୋଲି ଅନୁମାନ କରାଯାଉଛି। ଏନେଇ ରାତ୍ରୀ ଆଶ୍ରୟସ୍ଥଳୀ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମଧ୍ୟ ମିଳିପାରି ନାହିଁ।
