ପାରିବାରିକ କଳହ ନେଲା ଉଗ୍ର ରୁପ, ଚିକିତ୍ସାଧିନ ଅବସ୍ଥାରେ ଯୁବକ ମୃତ

ଆନନ୍ଦପୁର, (ବାଘୁଆବାର୍ତ୍ତା): ଆନନ୍ଦପୁର ଉପଖଣ୍ଡ ନନ୍ଦିପଦା ଥାନା ଶାଳକଣିଆଁ ଗାଁ ରେ ଘଟିଛି ଏକ ଅଭାବନିୟ ଘଟଣା । ପାରିବାରିକ କଳହର ବୁଝାସୁଝା ପାଇଁ ଯାଇ ଜଣେ ଆକ୍ରମଣର ଶିକାର ହୋଇଛି। ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ ଘଟିଛି। ନନ୍ଦିପଦା ଥାନା ଶାଳକଣିଆଁ ଗାଁର ଆନନ୍ଦ ଜେନାଙ୍କ ପୁଅମାନଙ୍କ ମଧ୍ୟରେ କୌଣସି କାରଣକୁ ନେଇ ପାଟିତୁଣ୍ଡ ହୋଇଥିଲା ଆନନ୍ଦ ଓ ତାଙ୍କ ପତ୍ନି ପଡୋଶୀ ଘରର ଦୈତାରି ପାତ୍ର ଓ ତାଙ୍କ ସାନଭାଇ ଅଶୋକଙ୍କୁ ଡାକି ପିଲାମାନଙ୍କୁ ବୁଝାଇବାକୁ କହିଥିଲେ । ତେବେ ଏଥିରେ ଉତ୍ତ୍ୟକ୍ତ ହୋଇ ପୁଅମାନେ ଓଲଟା ବୁଝାଇବାକୁ ଆସିଥିବା ଦୈତାରୀ ଓ ଅଶୋକଙ୍କୁ ଗାଳିଗୁଲଜ କରିଥିଲେ। ଏଥିସହ ଦୈତାରିଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ କରିଥିଲେ । ଗଣ୍ଡଗୋଳ ଦେଖି ଅଶୋକଙ୍କ ପତ୍ନି ସସ୍ମିତା ପହଁଞ୍ଚିବାରୁ ତାଙ୍କୁ ମଧ୍ୟ ଆକ୍ରମଣ କରାଯାଇଥିଲା । ଗୁରୁତର ଅବସ୍ଥାରେ ସସ୍ମିତା ଓ ଦୈତାରିଙ୍କୁ କଟକ ସ୍ଥାନାନ୍ତର କରାଯାଇଥିଲା । ଆଜି କଟକରେ ଦୈତାରୀଙ୍କ ମୃତ୍ୟୁ ଘଟିଛି । ଏହି ଖବର ପ୍ରଚାରିତ ହେବାପରେ ଗାଁ ରେ କୈଣସି ଅପ୍ରିତିକର ପରିସ୍ଥିତି ସମ୍ଭାବନାକୁ ଦୃଷ୍ଟିରେ ରଖି ଗାଁରେ ପୋଲିସ୍ ମୁତୟନ ହୋଇଛନ୍ତି । ପୋଲିସ୍ ଏହି ଘଟଣାରେ ୯ଜଣ ଅଭିଯୁକ୍ତଙ୍କ ମଧ୍ୟରୁ ୪ଜଣ ଙ୍କୁ ଗିରଫ କରିବାରେ ସଫଳ ହୋଇଛି । ତେବେ ବର୍ତମାନ ସୁଦ୍ଧା ଆହୁରି ୫ଜଣ ଅଭିଯୁକ୍ତ ଫେରାର ରହିଛନ୍ତି ।