ସୋନପୁର, (ବାଘୁଆବାର୍ତ୍ତା): ସୁବର୍ଣ୍ଣପୁର ଜିଲ୍ଲା ତରଭା ପୋଲିସ ଗଞ୍ଜେଇ ଚୋରାଚାଲାଣ ବେଳେ ଅଟକାଇଛି । ବୌଦ୍ଧ ଜିଲ୍ଲା କଣ୍ଟମାଳ ଅଞ୍ଚଳରୁ ଏକ ଗଞ୍ଜେଇ ବୋଝେଇ ଗାଡି ବାଇପାସ୍ ରାସ୍ତାରେ ସହର ବାହାରକୁ ଯାଉଥିବା ବେଳେ ଗାଡି ଉପରେ ପୋଲିସ ଚଢ଼ାଉ କରିଥିଲା । ପୋଲିସକୁ ଦେଖି ଗଞ୍ଜେଇ ବେପାରୀମାନେ ଗାଡିରୁ ଫେରାର ମାରିବାରେ ସକ୍ଷମ ହୋଇଥିବା ବେଳେ ମ୍ୟାକ୍ସ ପିକଅପର ଡ୍ରାଇଭରକୁ ପୋଲିସ ଗିରଫ କରିବାରେ ସଫଳ ହୋଇଛି। ଗାଡି ତନଖି କରିବାରୁ ଗାଡି ଭିତରୁ ୧ କ୍ୱିଣ୍ଟାଲ ୮୦ କେଜି ଗଞ୍ଜେଇ ଜବତ ହୋଇଛି । ଗଞ୍ଜେଇ ମଧ୍ୟପ୍ରଦେଶକୁ ଚାଲାଣ ହେଉଥିବା ପୋଲିସ ତଦନ୍ତରୁ ଜାଣି ପାରିଛି । ଗଞ୍ଜେଇ ଚୋରା ଚାଲାଣ କରୁଥିବା ଗାଡିର ଅଭିଯୁକ୍ତ ଡ୍ରାଇଭର ପଞ୍ଜାବ ପ୍ରଦେଶର ଫିରୋଜପୁର ଜିଲ୍ଲାର ଦଲବୀର ସିଂ ବୋଲି ଜଣାପଡିଛି। ପୋଲିସ ଅଭିଯୁକ୍ତ ଡ୍ରାଇଭରକୁ କୋର୍ଟ ଚାଲାଣ କରିଥିବା ଜଣାପଡ଼ିଛି ।
