ରାଇରଙ୍ଗପୁର, (ବାଘୁଆବାର୍ତ୍ତା): ପୋଖରୀରୁ ଜଣେ ଶିଶୁ ପୁତ୍ରର ମୃତ ଦେହ ଉଦ୍ଧାର ପରେ ଗାଁରେ ଚାଞ୍ଚଲ୍ୟ ଖେଳିଯାଇଥିବା ବେଳେ ପରିବାର ପକ୍ଷରୁ ହତ୍ୟା ସନ୍ଦେହ କରାଯାଇଛି । ଏଭଳି ଏକ ଘଟଣା ଘଟିଛି ବହଦଳା ଥାନା ଅଞ୍ଚଳରେ । ସୂଚନାନୁସାରେ, ରାଇରଙ୍ଗପୁର ବହଦଳା ଥାନା ଅନ୍ତର୍ଗତ ପିଠାକୁଟୁଣୀ ଗାଁର ରାଜେନ୍ଦ୍ର କିସ୍କୁ ନିଜ ସ୍ତ୍ରୀ ଓ ୫ ମାସର ଶିଶୁ ପୁତ୍ର ସହ ରାତିରେ ଶୋଇଥିଲେ । ରାତି ଅଧରେ ନିଦ ଭାଙ୍ଗି ଦେଖନ୍ତି ତ ପୁଅ ନାହିଁ । ଘର ଭିତର ଓ ଆଖପାଖ ଅଞ୍ଚଲ ଖୋଜାଖୋଜି କରିବା ପରେ ମଧ୍ୟ ଶିଶୁପୁତ୍ରକୁ ପାଇ ନଥିଲେ । ଆଜି ସକାଳୁ ପିଠାକୁଟୁଣୀ ଗାଁ ନିକଟସ୍ଥ ଏକ ପୋଖରୀରେ ଶିଶୁ ପୁତ୍ରର ମୃତ ଦେହ ଭାସୁଥିବାର ଦେଖିବାକୁ ପାଇଁ ସ୍ଥାନୀୟ ଲୋକ ଓ ଶିଶୁପତ୍ରର ପରିବାର ଲୋକ ପୁଲିସକୁ ଖବର ଦେଇଥିଲେ । ପୁଲିସ୍ ଘଟଣାସ୍ଥଳରେ ପହଞ୍ଚି ଶିଶୁପୁତ୍ରର ମୃତ ଦେହ ଉଦ୍ଧାର କରିଥିବା ତଦନ୍ତ ଆରମ୍ଭ କରିଛି । ପାରିବାରିକ କଳହକୁ ନେଇ ଏପରି ଅମାନବୀୟ କାଣ୍ଡ କରିଥିବା ସନ୍ଦେହ କରାଯାଇଛି । ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚି ତନଘନା ଆରମ୍ଭ କରିଛନ୍ତି ।
