କଲେଜ୍ ଛକରେ ବିଭତ୍ସ ହତ୍ୟା

କଟକ, (ବାଘୁଆବାର୍ତ୍ତା): କଲେଜ ଛକରେ ବିଭତ୍ସ ହତ୍ୟାକାଣ୍ଡ ଘଟିଛି । ଏଭଳି ଘଟଣା ଘଟିଛି ଜଣେ ରାସ୍ତା କଢରେ ଶୋଇଥିବା ବ୍ୟକ୍ତି ଉପରେ । ଘଟଣାସ୍ଥଳରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ଅନ୍ୟ ଜଣେ ମହିଳା ଏଥିରେ ଗୁରୁତର ଆହାତ ହୋଇଥିବା ଜଣାପଡିଛି । ଗତକାଲି ବିଳମ୍ବିତ ରାତିରେ କଟକ କଲେଜ ଛକ ଏଭଳି ବିଭତ୍ସ ହତ୍ୟାକାଣ୍ଡ ଘଟିଛି । ପୁସିଲ୍ ଖବର ପାଇ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ବ୍ୟବଚ୍ଛେଦ କରିବାକୁ ପଠାଇଥରବା ବେଳେ ଗୁରୁତର ଥିବା ମହିଳାକୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଦୁଇଜଣ ଯାକ ଗରବ ଶ୍ରେଣୀର ହୋଇଥିବା ବେଳେ ପ୍ରତ୍ୟେକ ଦିନ ଧନ୍ଦାସାରି କଲେଜ ଛକ ନିକଟରେ ଥିବା ଦୋକାନ ବାରଣ୍ଡାରେ ବିଶ୍ରାମ ନେଇଥାନ୍ତି । ଉଭୟଙ୍କ ମଧ୍ୟରୁ ପୁରୁଷ ଲୋକଙ୍କୁ ହତ୍ୟା କରାଯାଇଥିବା ବେଳେ ମହିଳା ଜଣକୁ ଆକ୍ରମଣ କରିଥିଲେ । ଯେଉଁଥିରେ ମହିଳା ଗୁରୁତର ହୋଇଥିବା ବେଳେ ପୁରୁଷ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । କଟକ ମାଲଗୋଦାମ ପୁଲିସ୍ ଖବର ପାଇ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତରୁ ଉକ୍ତ ହତ୍ୟାକାଣ୍ଡ ଘଟଣାରେ ମହିଳାଙ୍କ ସ୍ୱାମୀ ଓ ଅନ୍ୟ ଜଣେ ବ୍ୟକ୍ତି ସାମିଲ ଥିବା ନେଇ କଟକ ଡିସିପି ସୂଚନା ଦେଇଛନ୍ତି । ମୃତକ ବ୍ୟକ୍ତିଙ୍କ ଘର ଜଗତସିଂହପୁର ଜିଲ୍ଲା ରାହାମାରେ ଥିବା ସୂଚନା ମିଳିଛି ।