ଓଡ଼ଗାଁ (ବାଘୁଆବାର୍ତ୍ତା ବ୍ୟୁରୋ): ପ୍ରତିବର୍ଷ ଭଳି ରଜ ଅବସରରେ ସ୍ଥାନୀୟ ରଘୁନାଥ ସମବାୟ ମହାବିଦ୍ୟାଳୟ ଖେଳପଡିଆରେ ଓଡଗାଁ ପ୍ରିମିୟର ଲିଗ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଆରମ୍ଭ ହୋଇଛି । ପ୍ରଥମ ଦିନରେ ଅନୁଷ୍ଠିତ ୩ଟି ମ୍ୟାଚରେ କ୍ରିକେଟ୍ କିଲରସ୍କୁ ୧୩ରନରେ ପରାସ୍ତ କରି ଇଲେଭେନ ୟଙ୍ଗଷ୍ଟାର, ଜୟଶିବ ଦଳକୁ ୨୯ରନରେ ପରାସ୍ତ କରି ଦଲକ ହ୍ୟାକରସ୍ ଓ ଓଡଗାଁ ଭେଟେରାନ୍ ଦଳକୁ ୮ ଓି୍ୱକେଟରେ ପରାସ୍ତ କରି ଇଲେଭେନ ଲାୟନ୍ସ ଦଳ ବିଜୟୀ ହୋଇଛନ୍ତି । 
ନୟାଗଡ ବିଧାୟକ ଡ. ଅରୁଣ କୁମାର ସାହୁ ଖେଳକୁ ଉଦ୍ଘାଟନ କରିଥିବା ବେଳେ ରଘୁନାଥ ଆଥ୍ଲେଟିକ ଆସୋସିଏସନର ସଂପାଦକ ଦିବାକର ନାୟକ, ଅନୀଲ ପଟ୍ଟନାୟକ, ଉମାକାନ୍ତ ମହାପାତ୍ର, ନିତିଆ ଛାଟୋଇ, ମୃତ୍ୟୁଞ୍ଜୟ ପଟ୍ଟନାୟକ, ଟିକିଲି ଦାଶ ଖେଳ ପରିଚାଳନା କରିଥିଲେ । ଏଠାରେ ସୂଚନା ଯୋଗ୍ୟଯେ ୧୧ତାରିଖରୁ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟ ୧୬ ତାରିଖ ପର୍ଯ୍ୟନ୍ତ ଚାଲିବ । ଏଥିରେ ୧୬ଟି ଦଳ ଅଂଶଗ୍ରହଣ କରିବେ ।
