ଓଡ଼ଗାଁ(ବାଘୁଆବାର୍ତ୍ତା): -ଗତକାଲି ଓଡ଼ଗାଁ ଆଦର୍ଶ ଥାନା ଠାରୁ ମାତ୍ର ୨୦୦ ମିଟର ଦୂରରେ ଥିବା ପୋଷ୍ଟ ଅଫିସ କାର୍ୟ୍ୟାଳୟ ପରିସରରୁ ଦିନ ଦିପ୍ରହରରେ କାର୍ୟ୍ୟରତ ସବ-ପୋଷ୍ଟ ମାଷ୍ଟର ସନୋଜ କୁମାର ଦୋରାଙ୍କ କଳା କଲର ଟିଭିଏସ ଗାଡି ନଂ -ଓଡ଼ି-୨୫ଡି-୭୭୪୭କୁ ଚୋରିକରି ନେଇଯାଇଥିବା ଓଡ଼ଗାଁ ଥାନାରେ ଅଭିଯୋଗ ହୋଇଅଛି । ଗତ କାଲି ସକାଳ ୯ ଟା ୩୦ମିନିଟ ସମୟରେ ପ୍ରତ୍ୟେକ ଦିନ ଭଳି ସନୋଜ ପୋଷ୍ଟ ଅଫିସ ପରିସରରେ ଗାଡି ରଖି ହ୍ୟାଣ୍ଡଲ ଲକକରି ଅଫିସ ଭିତରକୁ ଯାଇଥିଲେ । ତେବେ ଅପରାହ୍ନ ୪-୩୦ରେ ଅଫିସରୁ ବାହାରି ଦେଖିଲା ବେଳକୁ ଗାଡିଟି ଚୋରି ହୋଇଯାଇଥିବା ଜାଣିବାକୁ ପାଇଥିଲେ । ଜଣେ ଯୁବକ ଗାଡିଟିକୁ ଚୋରିକରି ନେଉଥିବା ଚିତ୍ର ସିସିଟିଭି ଫୁଟେଜରେ କଏଦ ହୋଇଅଛି । ସିସିଟିଭି ଫୁଟେଜକୁ ଆଧାରକରି ଘଟଣାର ଅନୁସନ୍ଧାନ ଚଳାଇଥିବା ଆଦର୍ଶ ଥାନା ପକ୍ଷରୁ ସୂଚନା ମିଳିଅଛି।
