ଫେଲ ମାରିଲା ପୁରୀରେ ଡକାୟତି ଯୋଜନା, ୪ ଜଣଙ୍କୁ ବାନ୍ଧିଲା ପୋଲିସ, ୨ ଚମ୍ପଟ

ପୁରୀ, (ବାଘୁଆବାର୍ତ୍ତା) : ଡକାୟତି ଯୋଜନା ଫେଲ୍ ମାରିଲା । ପୁରୀରେ ଡକାୟତି ଯୋଜନା କରୁଥିବା ବେଳେ ଚଢ଼ାଉ କଲା ପୋଲିସ । ୪ ଜଣଙ୍କୁ ଗିରଫ କରିଛି ବଳିଆପଣ୍ଡା ଥାନା ପୋଲିସ । ଗିରଫ ଅଭିଯୁକ୍ତମାନେ ହେଲେ ସୁବାସ ଚନ୍ଦ୍ର ମହାନ୍ତି, ଓରଫ ଗିଲଟି କାଳୁ, ଜୀବନ ବାରିକ, ସୌମ୍ୟରଞ୍ଜନ ମଲ୍ଲିକ ଓ କାତି ଓରଫ ବରେନ୍ଦ୍ର ମହାରଣା । ସେମାନଙ୍କ ନିକଟରୁ ଖଣ୍ଡା, ଦୁଇଟି ବୋମା, ଲୁହାରଡ୍ ଓ ବାଇକ ଜବତ ହୋଇଛି । ଆଉ ଦୁଇ ଜଣ ଘଟଣାସ୍ଥଳରୁ ଚମ୍ପଟ ମାରିଛନ୍ତି । ପୁରୀକୁ ବିକାଶମୂଳକ କାମ ପାଇଁ ବିଭିନ୍ନ ଜିନିଷ ନେଇ ଆସୁଥିବା ଗାଡିରୁ ଡକାୟତି କରିବାକୁ ଏମାନେ ଯୋଜନା କରୁଥିଲେ । ଏତିକିବେଳେ ପହଞ୍ଚି ଯାଇଥିଲା ପୋଲିସ । ଦୁଇ ଜଣ ପୋଲିସକୁ ଚକମା ଦେଇ ଖସି ପଳାଇଛନ୍ତି । ସେମାନଙ୍କୁ ଧରିବା ପାଇଁ ଖୋଲତାଡ ଚଳାଇଛି ବଳିଆପଣ୍ଡା ଥାନା ପୋଲିସ ।