ଡିଜାୟାର କାରରେ ମଦ, ଆସାମୀ ଗିରଫ

ଧର୍ମଶାଳା, (ବାଘୁଆବାର୍ତ୍ତା) : ନିଶା ବେପାରୀଙ୍କ ନୂଆ ତରିକା ଦାମିଦାମି ଗାଡିରେ ବୁହାଯାଉଛି ମଦ, ଗଞ୍ଜେଇ, ବ୍ରାଉନସୁଗାର । ହେଲେ ବେପାରୀଙ୍କଠାରୁ ପୁଲିସ ଆହୁରି ଚାଲାକ । ଯାଜପୁର ଜିଲ୍ଲା ଧର୍ମଶାଳା ବ୍ଲକ କଏମା ଠାରେ ଚୋରା ମଦ ମାଫିଆଙ୍କ ଉପରେ ଏବେ କଡା ନଜର ରଖିଛି ଧର୍ମଶାଳା ପୁଲିସ । ଆଜି ଭୋର ପାଞ୍ଚଟା ସମୟରେ କାଏମା ଲାଲବାହାଦୁର ସ୍କୁଲ ନିକଟରୁ ଏକ ମାରୁତି ସୁଜୁକି ଡିଜାୟାର ଗାଡି ଯାହାର ନମ୍ବର OD-O5AW-9841 ର ଡିକି ଭିତରେ ପାଖା ପାଖି ଦେଢ଼ ଶହ ଲିଟର ମଦ ଥିବା ଖବର ପାଇଥିଲା ପୋଲିସ୍‌ । ଥାନା ଅଧିକାରୀ ସରୋଜ କୁମାର ସାହୁ ଓ ଅନ୍ୟ ପୋଲିସ ସହଯୋଗୀମାନେ ସେଠାରେ ପହଁଚି ଗାଡିଟିକୁ ଜବତ କରିବା ସହିତ, ଗାଡ଼ି ଚାଳକ ଜିତେନ୍ଦ୍ର ଦାସ (୩୨)କୁ ଗିରଫ କରିଥିଲେ । ଅନ୍ୟମାନଙ୍କ ମଧ୍ୟରେ ଢେଙ୍କାନାଳ ଭୁବନ ଅଞ୍ଚଳର ରାଜୁ ମାଲିକ, ନିର୍ମଳ ମଳିକ, ସୁନାକାର ମଳିକଙ୍କୁ ଏହି ମଦ ଚୋରୀରେ ଲିପ୍ତ ଥିବାରୁ ଗିରଫ କରାଯାଇଥିବା ଜଣାପଡ଼ିଛି । ତେବେ ଧର୍ମଶାଳା ଅଞ୍ଚଳରେ ଚୋରା ମଦ କାରବାର ଦିନକୁ ଦିନ ବୃଦ୍ଧି ପାଉଥିବା ବେଳେ ଗୋଟିଏ ମାସରେ ପାଖା ପାଖି ଏକ ହଜାର ମଦ ଜବତ କରିବାରେ ସଫଳ ହାସଲ କରିଛନ୍ତି ଧର୍ମଶାଳା ଥାନା ଅଧିକାରୀ ।