ଟ୍ରାନ୍ସପରେଣ୍ଟ ମାସ୍କ ପରୀକ୍ଷଣ ସଫଳ, ଛୋଟ ପିଲାଙ୍କୁ ରଖିବ ସୁରକ୍ଷିତ

ଚଣ୍ଡୀଗଡ, (ବାଘୁଆବାର୍ତ୍ତା): କରୋନାର ତୃତୀୟ ଲହର ପିଲାଙ୍କ ପାଇଁ ଅଧିକ ବିପଜ୍ଜନକ ବୋଲି କୁହାଯାଉଛି । ବୈଜ୍ଞାନିକମାନେ ମଧ୍ୟ ସେମାନଙ୍କର ରିସର୍ଚ୍ଚରେ ଲାଗିପଡିଛନ୍ତି । ଯାହା ଦ୍ୱାରା ପିଲାମାନେ କରୋନା ବିରୋଧରେ ଲଢେଇ କରିପାରିବେ । କେନ୍ଦ୍ରୀୟ ବୈଜ୍ଞାନିକ ଉପକରଣ ସଂଗଠନ (CSIO) ଟ୍ରାନ୍ସପରେଣ୍ଟ ମାସ୍କ ପ୍ରସ୍ତୁତ କରିଛି । ଯାହାକି ପିଲାଙ୍କୁ ଅଧିକ ସୁରକ୍ଷିତ ରଖିହେବ । ଏକ ବିଦ୍ୟାଳୟରେ ବୈଜ୍ଞାନିକମାନେ ଏହାର ପରୀକ୍ଷଣ କରିଥିଲେ । ଯେଉଁମାନେ କଥା କହିପାରନ୍ତିନି ସେହି ପିଲାମାନଙ୍କ ଉପରେ ଏହି ପରୀକ୍ଷା କରାଯାଇଥିଲା । ବଜାରରେ ଏହି ମାସ୍କ ଲଞ୍ଚ କରିବାକୁ ପ୍ରସ୍ତୁତି ଚାଲିଛି, ଯାହା ଜୁନ୍ ଶେଷ ସପ୍ତାହ ସୁଦ୍ଧା ଆସିପାରେ। ଏଥିପାଇଁ (CSIO) ଉତ୍ତରପ୍ରଦେଶର ଏକ ବଡ କମ୍ପାନୀ ସହିତ ଚୁକ୍ତି ହୋଇଛି । ମାର୍ଚ୍ଚରେ (CSIO) ର ଯୁବ ବୈଜ୍ଞାନିକ ଡାକ୍ଟର ସୁନୀତା ମେହେଟ୍ଟା ଏକ ମାସ୍କ ଡିଜାଇନ୍ କରିଥିଲେ ଯାହା ଟ୍ରାନ୍ସପରେଣ୍ଟ ଅଟେ । ଏହା ପଲିମରରୁ ପ୍ରସ୍ତୁତ କରାଯାଇଥିଲା । ଏହାର ବିଶେଷତ୍ୱ ଥିଲା ଯେ ଭୂତାଣୁ ଏଥିରେ ପ୍ରବେଶ କରିପାରିନଥିଲା । ଆହୁରି ମଧ୍ୟ, ଏହା ବାଷ୍ପ ଉତ୍ପାଦନ କରେ ନାହିଁ, କିନ୍ତୁ ଏହାର ଆକାର ଛୋଟ ଥିଲା ଯାହା ପୁରା ପାଟି ଆଚ୍ଛାଦନ କରିବାରେ ସକ୍ଷମ ହୋଇନଥିଲା । ଆହୁରି ମଧ୍ୟ, ନିଶ୍ୱାସ ନେବାବେଳେ କୌଣସି ଅସୁବିଧା ବି ନଥିଲା ।