ଭାରସାମ୍ୟ ହରାଇ ଦୋକାନ ଉପରକୁ ମାଡିଗଲା ଟ୍ରକ

ବଲାଙ୍ଗିର, (ବାଘୁଆବାର୍ତ୍ତା) ସ୍ଥାନୀୟ ପାଟଣା ଛକ ଠାରେ ଥିବା ଦୋକାନଗୁଡିକ ଉପରେ ଏକ ମାଲବାହୀ ଟ୍ରକ ଚଢିଯିବାରୁ ଦୁର୍ଘଟଣା ଘଟିଛି । ଟ୍ରକଟି ଆଜି ମଧ୍ୟାହ୍ନ ସାଢ଼େ ୧୨ଟା ବେଳେ ଟ୍ରକଟି ପାଟଣାଛକ ଟ୍ରାଫିକ ବୁଲାଣି ନିକଟରେ ଭାରସାମ୍ୟ ହରାଇଥିଲା । ଫଳରେ ଟ୍ରକଟି ରାସ୍ତାକଡ଼ରେ ଥିବା ପ୍ରାୟ ୩ଟି କପଡା ଦୋକାନର ଚାଉଣୀକୁ ବାଡେଇ ଭାଙ୍ଗିଦେଇଥିଲା । ସ୍ଥାନୀୟ ଲୋକେ ଟ୍ରକଟି କୁ ଅଟକ କରି ପୁଲିସକୁ ଖବର ଦେବାରୁ ସେମାନେ ଆସି ଡ୍ରାଇଭର ଏବଂ ଟ୍ରକକୁ ଥାନାକୁ ନେଇ ଅଟକ ରଖିଛନ୍ତି । ଟ୍ରକଟି କୋଇଲା ନେଇ ବିଶାଖାପାଟଣାରୁ ରାୟଗଡ ଯାଉଥିବା ଜଣାପଡିଛି ।