କାମ୍ବୋଡିଆ,(ବାଘୁଆବାର୍ତ୍ତା): ଗୋଟିଏ ମୂଷାର ସାହସୀକତା ଶୁଣିଲେ ଆଶ୍ଚର୍ଯ୍ୟ ଲାଗିବ । ଏଥିରେ, ୭୧ ଲ୍ୟାଣ୍ଡମାଇନ୍ ସୁଡ଼ଙ୍ଗ ଖୋଜି ହଜାର ହଜାର ଲୋକଙ୍କ ଜୀବନ ରକ୍ଷା କରିବା ଭଳି ସାହସିକତାର କାର୍ୟ୍ୟ ଦେଖାଇ ଏହି ମୂଷା ସମସ୍ତଙ୍କର ପ୍ରଶଂସିନିୟ ହୋଇଛି । ଏହି ଆଫ୍ରିକୀୟ ପ୍ରଜାତିର ମୂଷାର ସାହସିକତାର କାହାଣୀ ଖୁବ ପ୍ରସିଦ୍ଧ । ତାକୁ ବେଲଜିୟମର ଏକ ଏନଜିଓ ଏପିଓପିଓ ଦ୍ୱାରା ତାଲିମ ଦିଆଯାଇଛି । ଏହାକୁ ଦୁନିଆର ସବୁଠାରୁ ସଫଳ ମୂଷା ବୋଲି ମନେକରାଯାଏ । ଅନେକ ସାହସିକ କାର୍ୟ୍ୟ କରିବା ପରେ ମାଗାୱା ବର୍ତ୍ତମାନ ଅବସର ନେଉଛି । ମାଗାୱାର ହ୍ୟାଣ୍ଡେଲର୍ ମାଲିନ୍ କୁହନ୍ତି, ମାଗାୱାଙ୍କ ସହ କାମ କରି ମୁଁ ଅତ୍ୟଧିକ ଗର୍ବିତ ଅନୁଭବ କରେ,କାରଣ ସେ ଏତେ ଛୋଟ ହୋଇଥିଲେ ମଧ୍ୟ ସେ ଅନେକଙ୍କ ଜୀବନ ରକ୍ଷା କରିବାରେ ସାହାଯ୍ୟ କରିଛନ୍ତି । ତା’ର ସ୍ୱାସ୍ଥ୍ୟ ଏବେ ବି ଭଲ କିନ୍ତୁ ବର୍ତ୍ତମାନ ଅବସର ଗ୍ରହଣ କରିବାର ସମୟ ଆସିଛି । ଯଦିଓ ତାଙ୍କ ସ୍ଥାନ ପୂରଣ କରିବା ସହଜ ନୁହେଁ, ମାଗାୱା ନାମକ ଏହି ସାତ ବର୍ଷୀୟ ମୂଷାକୁ ମିଳିସାରିଛି ସର୍ବୋଚ୍ଚ ନାଗରିକ ପୁରସ୍କାର । ଗତ ବର୍ଷ ନିଜର ସାହସିକତା ପାଇଁ ବ୍ରିଟିଶ୍ ଚାରିଟିର ଟପ୍ ସିଭିଲ୍ ଆୱାର୍ଡ ମଧ୍ୟ ପାଇଛି । ଏହି ପୁରସ୍କାର ପୂର୍ବରୁ କେବଳ କୁକୁରମାନଙ୍କୁ ସେମାନଙ୍କର ସାହସିକ କାର୍ୟ୍ୟ ପାଇଁ ଦିଆଯାଉଥିଲା । ଏହି ମୂଷାକୁ ସେତେବେଳେ ତାଲିମ ଦିଆଯାଇଥିଲା ଯେବେ କାମ୍ବୋଡିଆର ଦକ୍ଷିଣ ପୂର୍ବ ଏସୀୟ ଦେଶରେ ଲ୍ୟାଣ୍ଡମାଇନ୍ ଚିହ୍ନଟ କରିବାର ଥିଲା । ପ୍ରଶିକ୍ଷଣ ପରେ ନିଜର କାମ ସେ ସଠିକ ଭାବରେ ତୁଲାଇ ଥିଲା । ‘ଦି ଗାର୍ଡିଆନ’ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଏହି ଛୋଟ ମୂଷା ନିଜର ଶୁଙ୍ଘିବା କ୍ଷମତା ଦ୍ୱାରା ୧.୪ ଲକ୍ଷ ବର୍ଗ ମିଟର ଅର୍ଥାତ ୨୦ ଟି ଫୁଟବଲ୍ ପିଚ୍ ଭଳି ସ୍ଥାନକୁ ଲ୍ୟାଣ୍ଡମାଇନ୍ ମୁକ୍ତ କରିବାରେ ସାହାଯ୍ୟ କରିଛି । ଏହା ଦ୍ୱାରା ହଜାର ହଜାର ଜୀବନ ରକ୍ଷା ପାଇଛି । କେବଳ ଏତିକି ନୁହେଁ, ଏହା ମୂଷା ୨୮ ଟି ଜୀବନ୍ତ ବିସ୍ଫୋରକ ମଧ୍ୟ ଚିହ୍ନଟ କରିଛି । ୧୯୭୦ ରୁ ୧୯୮୦ ଦଶକରେ କାମ୍ବୋଡିଆରେ ଏକ ଭୟଙ୍କର ଗୃହଯୁଦ୍ଧ ହୋଇଥିଲା । ଏହି ଯୁଦ୍ଧ ତ ସମାପ୍ତ ହେଲା କିନ୍ତୁ ଶତ୍ରୁମାନଙ୍କୁ ହତ୍ୟା କରିବା ପାଇଁ ବହୁ ପରିମାଣରେ ଲ୍ୟାଣ୍ଡମାଇନ୍ ପକାଇ ସାଧାରଣ ଲୋକଙ୍କୁ ହତ୍ୟା କରୁଥିଲା ।
