ନୂଆଦିଲ୍ଲୀ, (ବାଘୁଆବାର୍ତ୍ତା): ମହାମାରୀ କରୋନା ବିଶ୍ୱକୁ ଗ୍ରାସି ଥିବା ବେଳେ ୮ଟି ଦେଶର ସ୍ୱାସ୍ଥ୍ୟମନ୍ତ୍ରୀ ଇସ୍ତାଫା ଦେଇଥିବା ଜଣାପଡିଛି । ମହମାରୀ କରୋନା ୨୦୨୦ବର୍ଷ ପ୍ରଥମ ଲହର ଭଳି ୨୦୨୧ର ଦ୍ୱିତୀୟ ଲହରରେ ସାଂଘାତିକ ସ୍ଥିତି ସୃଷ୍ଟି କରିଛି । କରୋନା ମହାମାରୀକୁ ଠିକ୍ ଭାବରେ ନିୟନ୍ତ୍ରଣ କରିବା ଓ ଲୋକଙ୍କୁ ଆବଶ୍ୟକ ସୁବିଧା ସୁଯୋଗ ଦେଇ ପାରିବାରେ ଅନେକ ରାଷ୍ଟ୍ର ବିଫଳ ହୋଇଛି । ଦେଶର ସ୍ୱାସ୍ଥ୍ୟମନ୍ତ୍ରୀ ଛୋଟ ଛୋଟ କାରଣ ପାଇଁ ନିଜ ପଦ ଛାଡ଼ି ସାରିଲେଣି । କରୋନା ମହାମାରୀ ସୃଷ୍ଟି କରିଥିବା ଭୟାବହତା ପାଇଁ ନିଜର ଅପାରଗତାକୁ ଦାୟୀ କରି ଏଭଳି ପଦକ୍ଷେପ ନେଇଛନ୍ତି । ବ୍ରାଜିଲରେ କରୋନା ନିୟନ୍ତ୍ରଣରେ ସରକାର ବିଫଳ ହୋଇଥିବାରୁ ଲୋକମାନେ ପ୍ରଧାନମନ୍ତ୍ରୀ ବୋଲସୋନାରଙ୍କ ଇସ୍ତଫା ଦାବି କରି ରାଜରାସ୍ତାକୁ ଉହ୍ଲାଇଛନ୍ତି । ଇକ୍ସେଡର ଦେଶର ସ୍ୱାସ୍ଥ୍ୟମନ୍ତ୍ରୀ ଟିକାକରଣ କାର୍ଯ୍ୟକ୍ରମରେ ପ୍ରୟାପ୍ରିତୀ ତୋଷଣ କରିବା ଅଭିଯୋଗରେ ୩ସପ୍ତାହ କାର୍ଯ୍ୟ କରିବା ପରେ ରୋଡୋଲଫୋ ଫାରଫନ ନିଜ ପଦରୁ ଇସ୍ତଫା ଦେଇଥିଲେ । ଅଷ୍ଟ୍ରିଆ ଦେଶର ସ୍ୱାସ୍ଥ୍ୟମନ୍ତ୍ରୀଙ୍କ ଉପରେ ୱାର୍କ ଲୋଡ ପରୁଥିବାରୁ ଇସ୍ତଫା ଦେଇଥିଲେ । ସେହିପରି ଇରାକ ଦେଶରେ ଗୋଟିଏ କୋଭିଡ୍ ହସ୍ପିଟଲାରେ ଭୟାନକ ଅଗ୍ନକାଣ୍ଡ ଘଟିଥିଲା । ଏଥିରେ ୮୦ଜଣ ରୋଗୀଙ୍କର ମୃତ୍ୟୁ ହୋଇଥିଲା । ଯେଉଁଥି ପାଇଁ ଇରାକ ସ୍ୱାସ୍ଥ୍ୟମନ୍ତ୍ରୀ ହାସନ ଅଲ ତାମିମ୍ ପଦରୁ ଇସ୍ତଫା ଦେଇଥିଲେ । ଆର୍ଜେଣ୍ଟିନାରେ ଟିକାକରଣ କାର୍ଯ୍ୟକ୍ରମରେ ବିଭ୍ରାଟ ଉପୁଜିଥିବାରୁ ଚଳିତ ବର୍ଷ ଫେବୃଆରୀ ମାସରେ ଆର୍ଜେଣ୍ଟିନା ଦେଶର ସ୍ୱାସ୍ଥ୍ୟମନ୍ତ୍ରୀ ଗୋଞ୍ଜାଲେଜ ଗାରସିଆ ଇସ୍ତଫା ଦେଇଥିଲେ । ସରକାରଙ୍କ ଦ୍ୱାରା ପରିଚାଳିତ କୋଭିଡ୍ ହସ୍ପିଟାଲରେ ଅକ୍ସିଜେନ ଅଭାବରୁ ୬ଜଣ ରୋଗୀଙ୍କର ମୃତ୍ୟୁ ହେବାରୁ ଜୋର୍ଡାନ ଦେଶର ସ୍ୱାସ୍ଥ୍ୟମନ୍ତ୍ରୀ ନାଜିର ଉବେଇଦାତ ଇସ୍ତଫା ଦେଇଛନ୍ତି । ମହାମାରୀ କରୋନା ଟିକା ସାଧାରଣ ଲୋକ ନେବା ପୂର୍ବରୁ ପୂର୍ବତନ ରାଷ୍ଟ୍ରପତି ଟିକା ନେଇଥିଲେ । ଯେଉଁଥି ପାଇଁ ପେରୁ ଦେଶର ସ୍ୱାସ୍ଥ୍ୟମନ୍ତ୍ରୀ ଡ଼ ପିଲାର ମାଜେଟ୍ଟି ଇସ୍ତଫା ଦେଇଥିଲେ । ମହାମାରୀ କରୋନା ଦେଶରେ ଭୟଙ୍କର ପରିସ୍ଥିତି ସୃଷ୍ଟି କରିଥିବା ବେଳେ ସ୍ଲୋଭାକିଆ ଦେଶର ସ୍ୱାସ୍ଥ୍ୟମନ୍ତ୍ରୀ ବିଫଳ ହୋଇଥିଲେ । ଯେଉଁଥି ପାଇଁ ଇସ୍ତଫା ଦେବାକୁ ପଡିଥିଲା । ସେହିପରି ଚିକିତ୍ସା ଅଭାବରି ଜଣେ ମା ଓ ତାଙ୍କ ନବଜାତ ଶିଶୁ କରୋନାରେ ମୃତ୍ୟୁ ହୋଇଥିବାରୁ ନୈତିକତା ଦୃଷ୍ଟିରୁ ମଙ୍ଗୋଲିଆ ଦେଶର ପ୍ରଧାନମନ୍ତ୍ରୀ ଖୁରେଲୁସୁଖ ଉଖାନ୍ନାଙ୍କ ସହ କ୍ୟାବିନେଟର ସମସ୍ତ ସଦସ୍ୟ ଇସ୍ତଫା ଦେଇଥିଲେ । ପୂର୍ବରୁ କରୋନାର ପ୍ରଥମ ଲହରରେ ନିୟନ୍ତ୍ରଣ କରିବାରେ ବିଫଳ ହୋଇ ନ୍ୟୁଜଲାଣ୍ଡ, ଚେକଗଣ ରାଜ୍ୟ ଓ ବ୍ରାଜିଲ ଭଳି ଦେଶର ସ୍ୱାସ୍ଥ୍ୟମନ୍ତ୍ରୀମାନେ ଇସ୍ତଫା ଦେଇଥିଲେ । ଭାରତ କଥା ଯଦି ଦେଖିବା କରୋନା ସାଂଘାତିକ ପରିସ୍ଥିତି ସୃଷ୍ଟି କରିଥିଲେ ହେଁ ଏଥିପାଇଁ କିଏ ଦାୟୀ, ତାହା କେହି କହିପାରୁ ନାହାନ୍ତି ।
