କେନ୍ଦୁଝର, (ବାଘୁଆବାର୍ତ୍ତା): ଡ୍ରେନ୍ ଭିତରୁ କନଷ୍ଟେବଳଙ୍କ ମୃତଦେହ ଉଦ୍ଧାର । କେନ୍ଦୁଝର ସଦର ଏସଡିପିଓଙ୍କ କାର୍ୟ୍ୟାଳୟ ସମ୍ମୁଖରେ ଥିବା ଡ୍ରେନ୍ ଭିତରେ ଜଣେ କନଷ୍ଟେବଳଙ୍କର ମୃତଦେହ ଉଦ୍ଧାର ହୋଇଛି । ତେବେ କନଷ୍ଟେବଳଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି। କେହି ହତ୍ୟା କରି ପକାଇଥାଇ ପାରନ୍ତି ବୋଲି ସନ୍ଦେହ କରାଯାଉଛି। ମଙ୍ଗଳବାର ସକାଳେ କେନ୍ଦୁଝର ସଦର ଏସଡିପିଓଙ୍କ କାର୍ୟ୍ୟାଳୟ ସମ୍ମୁଖରେ ଥିବା ଡ୍ରେନ୍ ଭିତରେ ଜଣେ କନଷ୍ଟେବଳଙ୍କର ମୃତଦେହ ଦେଖିବାକୁ ମିଳିଥିଲା। ମୃତ କନଷ୍ଟେବଳ ହେଉଛନ୍ତି ବିଶ୍ୱ ଭୂଷଣ ସେଠୀ ଓ ତାଙ୍କ ଘର ଫକିରୀପୁର। ଘଟଣା ସ୍ଥଳରେ ଖୋଦ୍ ଏସିଡିପିଓ ଓ ଥାନାର କର୍ମଚାରୀମାନେ ପହଞ୍ଚି ମୃତଦେହକୁ ଉଦ୍ଧାର କରି ଜିଲ୍ଳା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ତେବେ ମୃତ୍ୟୁର କାରଣ ଜଣା ପଡିନାହିଁ । ଏନେଇ ସଦର ଏସଡିପିଓ କିଛି କହିବାକୁ ମନା କରିଦେଇଛନ୍ତି । ମୃତଦେହ ବ୍ୟବଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡିବ ବୋଲି ସେ କହିଛନ୍ତି ।
