ପ୍ରଥମେ ଧରମ ଝିଅ, ପରେ ଦୁଷ୍କର୍ମ, ଶେଷରେ ବିବାହିତାକୁ ନେଇ ଫେରାର, ସ୍ୱାମୀ ଥାନାର ଦ୍ୱାରସ୍ଥ

ବଡ଼ଚଣା, (ବାଘୁଆବାର୍ତ୍ତା): ବଡ଼ଚଣା ବ୍ଲକ୍‌ ଅନ୍ତର୍ଗତ ସୁଙ୍ଗୁଡ଼ା ଗ୍ରାମର ଜନୈକା ବିବାହିତା ମହିଳା ପ୍ରେମିକ ଉକ୍ତ ଗ୍ରାମର ମହମ୍ମଦ ଫୁରକାନ ସହ ଫରାର ହୋଇଯାଇଥିବା ଅଭିଯୋଗ ହୋଇଛି । ଏ ସମ୍ପର୍କରେ ଫେରାର ମହିଳାଙ୍କ ସ୍ୱାମୀ ଚଣ୍ଡିଖୋଲ ଫାଣ୍ଡିରେ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ସୂଚନା ମୁତାବିକ, ମହମ୍ମଦ ଫୁରକାନ ମହିଳାଙ୍କୁ ପ୍ରଥମେ ଧରମ ଝିଅ କରି ତାଙ୍କ ଘରକୁ ଯିବା ଆସିବା କରୁଥିଲେ । ପରେ ତାଙ୍କର ଗାଧୁଆ ବେଳର ଫଟୋ ନିଜ ମୋବାଇଲରେ ଉଠାଇ ତାଙ୍କ ସହିତ ଶାରୀରିକ ସମ୍ପର୍କ ରଖିବାକୁ ଧମକ ଦେଇଥିଲେ । ପରେ ମହିଳାଜଣକ ତାକୁ ବିବାହ କରିବାକୁ ଜିଦି ଧରିବାରୁ ମହମ୍ମଦ ଫୁରକାନ ଏଥିରେ ରାଜି ନହୋଇ କେବଳ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଥିଲା । ଏ କଥାରେ ରାଜି ନହୋଇ ମହିଳାଜଣକ ଥାନାରେ ଦୁଷ୍କର୍ମ ଅଭିଯୋଗ କରିଥିଲେ । ଗିରଫ ଭୟରେ ମହମ୍ମଦ ଫୁରକାନ ମାସାଧିକ କାଳ ଫେରାର ଥିଲା । ଫେରାର ସମୟରେ ମହମ୍ମଦ ଫୁରକାନ ମହିଳା ସହିତ ଯୋଗାଯୋଗ କରି ତାକୁ ନେଇ ଫେରାର ହୋଇଯାଇଥିଲା ।