ଦେବଗଡ଼,(ବାଘୁଆବାର୍ତ୍ତା): ବାରକୋଟ ଥାନା ଅନ୍ତର୍ଗତ ବମପରଡ଼ା ଗ୍ରାମ ନିକଟରେ ଏକ ଟ୍ରକ ଦୁର୍ଘଟଣାଗ୍ରସ୍ତ ହେବା ପରେ ଟ୍ରକରେ ନିଆଁ ଲାଗିଯାଇଥିଲା। ଏହାଫଳରେ ଘଟଣାସ୍ଥଳରେ ଚାଳକର ମୃତ୍ୟୁ ଘଟିଥିଲା । ମିଳିଥିବା ସୂଚନା ଅନୁଯାୟୀ , ପାଲଲହଡା ଅଭିମୁଖେ ଯାଉଥିବା ଟ୍ରକ ୪୯ ନମ୍ବର ଜାତୀୟ ରାଜପଥର ବମପରଡ଼ା ଗ୍ରାମର ଫୁଟବଲ ପଡିଆ ନିକଟରେ ବିଲମ୍ବିତ ରାତିରେ ଭ।ରସାମ୍ୟ ହରାଇ ପୋଲରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାପରେ ବାରକୋଟ ପଟୁ ଆସୁଥିବା ଏକ ଟ୍ରକ ସହ ଧକ୍କା ହୋଇଥିଲା । ପରେ ଦୁର୍ଘଟଣାଗ୍ରସ୍ତ ଟ୍ରକରେ ନିଆଁ ଲାଗିଯାଇଥିଲା । ଫଳରେ ଘଟଣାସ୍ଥଳରେ ହିଁ ଚାଳକର ମୃତ୍ୟୁ ଘଟିଥିଲା। ଖବରପାଇ ବାରକୋଟ ଥାନା ପୁଲିସ ଟ୍ରକ ଜବତ କରି ଘଟଣାର ତଦନ୍ତ ଆରମ୍ଭ କରିଛି। ଖବର ଲେଖା ହେବା ପର୍ଯ୍ୟନ୍ତ ମୃତ ଚାଳକର ପରିଚୟ ମିଳିପାରିନାହିଁ ।
