କରୋନା ପାଇଁ ପ୍ରଧାନମନ୍ତ୍ରୀ ଜୀବନ ଜ୍ୟୋତି ଯୋଜନା, ମୃତ ହେଲେ ନୋମିନ ପାଇବେ ଲାଭ

ନୂଆଦିଲ୍ଲୀ, (ବାଘୁଆବାର୍ତ୍ତା): ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା ର ହିତାଧିକାରୀଙ୍କର କୌଣସି ପ୍ରକାରେ ମୃତ୍ୟୁ ଘଟିଲେ ନୋମିନି ବା ପରିବାରକୁ ୨ ଲକ୍ଷ ଟଙ୍କାର ବୀମା ରାଶି ମିଳୁଛି । ଏହାର ଅର୍ଥ କରୋନାରେ ଯଦି ହିତାଧିକାରୀଙ୍କର ମୃତ୍ୟୁ ଘଟେ, ତଥାପି ବୀମାଭୁକ୍ତ ବ୍ୟକ୍ତିଙ୍କ ନୋମିନି ୨ ଲକ୍ଷ ଟଙ୍କା ପାଇବାକୁ ଯୋଗ୍ୟ ବିବେଚିତ ହେବେ । ଯୋଜନାର ଲାଭ ଉଠାଇବା ପାଇଁ ଆବେଦନକାରୀଙ୍କ ନିକଟରେ ଏକ ବ୍ୟାଙ୍କ ଖାତା ରହିଥିବା ଆବଶ୍ୟକ । ଏହା ସରକାରୀ ଅଥବା ଘରୋଇ ବ୍ୟାଙ୍କର ହୋଇଥିଲେ ଚଳିବ । ଏହାପରେ ଆବେଦନକାରୀଙ୍କୁ ଯୋଜନାର ଲାଭ ନିମନ୍ତେ ଆବେଦନ କରିବାକୁ ହେବ । ଏହି ଯୋଜନାରେ ପ୍ରତିବର୍ଷ ୩୩୦ ଟଙ୍କାର ପ୍ରିମିୟମ ଦେବାକୁ ହୋଇଥାଏ । ଯଦି କୌଣସି ବ୍ୟକ୍ତି ସେପ୍ଟେମ୍ବରରୁ ନଭେମ୍ବର ମଧ୍ୟରେ ବୀମା ନିଅନ୍ତି, ତେବେ ପ୍ରଥମ ଥର ତାଙ୍କୁ ୨୫୮ ଟଙ୍କା ଦେବାକୁ ହେବ । ଡିସେମ୍ବରରୁ ଫେବ୍ରୁଆରୀ ମଧ୍ୟରେ ବୀମା ନେଲେ ପ୍ରଥମ ଥର ୧୭୨ ଟଙ୍କା ଏବଂ ମାର୍ଚ୍ଚରୁ ମେ ମାସରେ ବୀମା ନେଲେ ପ୍ରଥମ ଥର ୮୬ ଟଙ୍କା ଦେବାକୁ ହେବ । ଏହାପରେ ପ୍ରତ୍ୟେକ ବର୍ଷ ୩୩୦ ଟଙ୍କାର ପ୍ରିମିୟମ ଦେବାକୁ ହୋଇଥାଏ । ଏହି ପ୍ରିମିୟମ ରାଶି ମେ ୨୫ରୁ୩୧ ମଧ୍ୟରେ ହିତାଧିକାରୀଙ୍କ ଖାତାରୁ ନିଆଯିବ । ଏଥିପାଇଁ ଆବେଦନକାରୀଙ୍କୁ ସହମତି ଦେବାକୁ ହେବ ।