ବଲାଙ୍ଗୀର, (ବାଘୁଆବାର୍ତ୍ତା): ଛୁରୀ ଭୂଷି ସାନ ଭାଇର ଜୀବନ ନେଲା ବଡ଼ ଭାଇ । ସାନ ଭାଇକୁ ହତ୍ୟା କରି ଅଭିଯୁକ୍ତ ବଡ଼ ଭାଇ ଫେରାର ହୋଇଯାଇଛି । ଏଭଳି ଏକ ଘଟଣା ଘଟିଛି ଆଠଗାଁ ଅଞ୍ଚଳରେ । ସୂଚନାନୁସାରେ, ବଲାଙ୍ଗୀର ଜିଲ୍ଲା ବୁଇଁତଲା ଥାନା ଅନ୍ତର୍ଗତ ଆଠଗାଁର ବଡ଼ ଭାଇ ସୁବ୍ରତ କୁଅଁର ଓ ସାନ ଭାଇ ତେଜରାଜ କୁଅଁରଙ୍କ ମଧ୍ୟରେ ଆଜି ସକାଳୁ କୌଣସି କାରଣକୁ ନେଇ ଝଗଡ଼ା ହୋଇଥିଲା । ଝଗଡ଼ା ଉଗ୍ର ରୂପ ନେବାରୁ ବଡ଼ ଭାଇ ସୁବ୍ରତ ଏକ ଛୁରୀ ଆଣି ସାନ ଭାଇର ପେଟକୁ ଭୂଷି ଦେଇ ଫେରାର ହୋଇଯାଇଥିଲା । ପରିବାର ଲୋକ ସାନଭାଇ ତେଜରାଜକୁ ନିକଟସ୍ଥ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିବା ବେଳେ ଡାକ୍ତର ତେଜରାଜଙ୍କୁ ମୃତ ଘୋଷଣା କରିଥିଲେ । ଖବର ପାଇ ପୁଇଁତଲା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
