ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ରଣପୁର ବ୍ଲକ କେରେଣ୍ଡାଟାଙ୍ଗି ପଞ୍ଚାୟତ ଗୋଦାମ ଗୃହରୁ ପିଡିଏସ୍ ଚାଉଳ ଚୋରି ଘଟଣାକୁ ଦୁଇ ସପ୍ତାହ ବିତିଲାଣି । ଏହି ଅନିୟମିତତାର ତଦନ୍ତ ଶେଷ ହୋଇସାରିଛି। ଜିଲ୍ଲା ସହକାରୀ ଯୋଗାଣ ଅଧିକାରୀ ଜୟନ୍ତ ଦାଶ, ଉପଖଣ୍ଡ ପଞ୍ଚାୟତ ଅଧିକାରୀ ମନୋରଞ୍ଜନ ମହାନ୍ତି ତଦନ୍ତ ରିପୋର୍ଟ ଦାଖଲ କରିଛନ୍ତି। ମାତ୍ର ବିଭାଗୀୟ କାର୍ଯ୍ୟାନୁଷ୍ଠାନ ଦୂରେ କଥା ଜିଲ୍ଲାପାଳ ଏତଲା ଦେବାକୁ ନିର୍ଦ୍ଦେଶ ଦେଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ଏତଲା ଦିଆଯାଇ ପାରି ନାହିଁ । ଗତ ୨୪ ତାରିଖରୁ ଚାଉଳ ଚୋରୀ ଘଟଣାରେ ଏତଲା ଦେବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ ମଧ୍ୟ ରଣପୁର ବିଡିଓ ଆଜି ଅପରାହ୍ନ ସୁଦ୍ଧା ଏତଲା ଦେଇନଥିବା ଜଣାଯାଇଛି । ଯାହାକୁ ନେଇ ପଞ୍ଚାୟତ ନିର୍ବାହୀ ଅଧିକାରୀ ସୁନୀଲ ବେହେରାଙ୍କ ବିଡିଓଙ୍କ ଗେହ୍ନା ପୁଅ କି ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି । ଥାନା ସୁତ୍ରରୁ ମିଳିଥିବା ସୂଚନାନୁସାରେ, ଅପରାହ୍ନ ସହ କେହି ଏତଲା ଦେଇନଥିବା ସ୍ପଷ୍ଟ ହୋଇଛି ।
