ବଲାଙ୍ଗୀର (ବାଘୁଆବାର୍ତ୍ତା): ଆର୍ୟ୍ୟାନ୍ ଢାବା ଉପରେ ପୁଇଁତଳା ପୁଲିସ ଅଚାନକ ଚଢଉ କରି ବିଦେଶୀ ମଦ ଜବତ କରିବା ସହିତ ଜଣଙ୍କୁ ଗିରଫ କରିଛି । ସୂଚନାନୁସାରେ, ବଲାଙ୍ଗୀର ଜିଲ୍ଲା ପୁଇଁତଳା ଥାନା ଅନ୍ତର୍ଗତ ମଲମୁଣ୍ଡାଠାରେ ଥିବା ଆର୍ଯ୍ୟାନ ଢାବା ଉପରେ ଗତକାଲି ବିଳମ୍ବିତ ରାତିରେ ପୁଇଁତଳା ଥାନା ଅଧିକାରୀ ଯଶୋବନ୍ତ ପ୍ରଧାନୀଙ୍କ ନେତୃତ୍ଵରେ ଏକ ଟିମ ଅଚାନକ ଚଢାଉ କରାଯାଇଥିଲା। ଏହି ସମୟରେ ଢାବାରୁ ବିଭିନ୍ନ ନାମୀଦାମୀ ବ୍ରାଣ୍ଡ୍ ର ୧୫୩ ବୋତଲ ବିଦେଶୀ ମଦ ଓ ବିଅର୍ ଜବତ କରାଯାଇଛି । ବେଆଇନ ମଦ କାରବାର ଚଳାଇଥିବା ଅଭିଯୋଗରେ ପୁଇଁତଳା ପୁଲିସ ଜଣେ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲା କୁଟେନପାଲି ଗାଁର ନିମେଇଁ ମାଝୀ ବୋଲି ଜଣାପଡିଛି। ଅଭିଯୁକ୍ତ ନିମେଇଁକୁ ଆଜି କୋର୍ଟ ଚାଲାଣ କରାଯାଇଥିବା ନେଇ ପୁଇଁତଳା ଥାନା ଅଧିକାରୀ ଯଶୋବନ୍ତ ପ୍ରଧାନୀ ସୂଚନା ଦେଇଛନ୍ତି ।
