ଭୁବନେଶ୍ୱର, (ବାଘୁଆବାର୍ତ୍ତା): ବଙ୍ଗୋପସାଗରରେ ସୃଷ୍ଟି ହୋଇଥିବା ସାମୁଦ୍ରିକ ବାତ୍ୟା ‘ୟଶ’ ପାଇଁ ପାରାଦ୍ୱୀପ ବନ୍ଦରରେ ସମସ୍ତ କାରବାର ବନ୍ଦ ଥିଲା । ବନ୍ଦରର ସମସ୍ତ କାର୍ଯ୍ୟକୁ ୨୫ ତାରିଖରୁ ବନ୍ଦ କରାଯାଇଥିଲା । ବାତ୍ୟା ‘ୟଶ’ ୨୬ତାରିଖରେ ଲ୍ୟାଣ୍ଡଫଲ କଲା ପରେ ସନ୍ଧ୍ୟା ପର ଠାରୁ ପୋର୍ଟରେ ସମସ୍ତ କାର୍ଯ୍ୟ ଆରମ୍ଭ କରାଯାଇଛି । ପାରାଦ୍ୱୀପ ବନ୍ଦରର ବାତ୍ୟା ‘ୟଶ’ ପ୍ରଭାବରେ କୌଣସି କ୍ଷୟକ୍ଷତି ହୋଇ ନଥିବା ବେଳେ ଆଜି ସକାଳୁ ବର୍ଥରେ ଜାହାଜ ଲାଗିବା ସହ ପଣ୍ୟ କାରବାର ଓ ପରିବହନ କାର୍ଯ୍ୟ ଆରମ୍ଭ ହୋଇଥିବା ନେଇ ପାରାଦ୍ୱୀପ ବନ୍ଦରର ଉପାଧ୍ୟକ୍ଷ ଆଶିଷ କୁମାର ବୋଷ ସୂଚନା ଦେଇଛନ୍ତି ।
