ପୁଅର ନାମ ‘ୟସ’, ଝିଅର ନାମ ‘ୟାସ’, ବାତ୍ୟାରେ ଜନ୍ମ ନେଲେ ୧୧ ଶିଶୁ

ଭୁବନେଶ୍ୱର (ବାଘୁଆବାର୍ତ୍ତା): ବାତ୍ୟା ‘ୟାସ’ ତାଣ୍ଡବ ରଚୁଥିବା ବେଳେ ଅନେକ ଗର୍ଭବତୀ ମହିଳା ଶିଶୁ ଜନ୍ମ କରିଛନ୍ତି । ଏମିତିକି ବାତ୍ୟା ପ୍ରଭାବିତ ଅଞ୍ଚଳରୁ ନିରାପଦ ସ୍ଥାନକୁ ସ୍ଥାନାନ୍ତର ହୋଇଥିôବା ମହିଳାମାନେ ମଧ୍ୟ ଶିଶୁ ଜନ୍ମ କରିଛନ୍ତି । ସେମାନଙ୍କ ନବଜାତ ଶିଶୁ ସୁସ୍ଥ ଅଛନ୍ତି । ଏନେଇ ମହିଳା ଓ ଶିଶୁ କଲ୍ୟାଣ ବିଭାଗ ପକ୍ଷରୁ ଟୁଇଟ ଯୋଗେ ସୂଚନା ଦେଇଛି । ବାତ୍ୟାର ନାମ ଅନୁସାରେ ଅଧିକାଂଶ ନବଜାତଙ୍କ ନାମ ‘ୟାସ’ ରଖାଯାଇଛି । କ୍ୟାପିଟାଲ ହସ୍ପିଟାଲ ସୂଚନା ମୁତାବକ, ବୁଧବାର ମୋଟ ୧୧ ଜଣ ଶିଶୁ ଜନ୍ମ ନେଇଛନ୍ତି । ଏଥିରୁ ୮ ଜଣ ପୁଅ ଓ ୩ ଜଣ ଝିଅ ଅଛନ୍ତି । ସମସ୍ତ ଶିଶୁ ସୁସ୍ଥ ଅଛନ୍ତି । କିଛି ବାପା-ମା ନିଜ ପୁଅର ଡାକ ନାମ ‘ୟସ’ ରଖିଛନ୍ତି । ଝିଅ ନାମକୁ ‘ୟାସ’ ରଖାଯାଇଛି । ସେମାନଙ୍କ ପୁରା ନାମ ‘ଐଶର୍ଯ୍ୟା’ ଦିଆଯାଇଛି । ଜଣେ ମୁସଲିମ ସମ୍ପ୍ରଦାୟର ବାପା-ମା ନିଜ ଝିଅ ନା’ୟାସ’ ରଖିଥିବା ବେଳେ ପୁରା ନାମ ‘ୟାସମିନ’ ଦେଇଛନ୍ତି ।