ନୂଆଦିଲ୍ଲୀ (ବାଘୁଆବାର୍ତ୍ତା): ଟୁଲକିଟ ମାମଲାରେ କଂଗ୍ରେସର ଦୁଇ ନେତାଙ୍କୁ ସମନ କରିଛି ଦିଲ୍ଲୀ ପୁଲିସ । ଏହି ଦୁଇ ନେତା ହେଲେ ରାଜୀବ ଗୌଡା ଏବଂ ରୋହନ ଗୁପ୍ତା । ଏହି ଦୁଇ କଂଗ୍ରେସ ନେତାଙ୍କୁ ତଦନ୍ତ ପ୍ରକ୍ରିୟାରେ ସାମିଲ ହେବା ପାଇଁ ଦିଲ୍ଲୀ ପୁଲିସ କହିଛି । ନୋଟିସ ମିଳିବା ପରେ ରାଜୀବ ଗୌଡା କହିଛନ୍ତି ସେ ଛତିଶଗଡ଼ରେ ବିଜେପି ନେତାଙ୍କ ବିରୋଧରେ ମାମଲା ରୁଜୁ କରିଥିଲେ । ତେଣୁ ସେଠିକା ପୁଲିସ ସମନ କରିବାର ଥିଲା ବୋଲି ଦିଲ୍ଲୀ ପୁଲିସକୁ କହିଥିବା କହିଛନ୍ତି । ଟୁଲକିଟ ମାମଲାରେ ବିଜେପି ନେତା ସମ୍ବିତ ପାତ୍ର ଏବଂ ରମଣ ସିଂହଙ୍କୁ ସମନ କରିଛି ଛତିଶଗଡ଼ ପୁଲିସ । ସମ୍ବିତ ପାତ୍ରଙ୍କୁ ରବିବାର ଭିଡିଓ କନଫରେନସିଂ ଜରିଆରେ ହାଜର ହେବାକୁ ଛତିଶଗଡ଼ ପୁଲିସ କହିଥିଲା । ସେ କିନ୍ତୁ ହାଜର ହେବା ପାଇଁ ୭ ଦିନର ସମୟ ଲୋଡିଛନ୍ତି । ସେହିପରି ସୋମବାର ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଡାକ୍ତର ରମଣ ସିଂହଙ୍କ ବୟାନ ରେକର୍ଡ କରିଛି ପୁଲିସ । ରମଣ ସିଂହ ଛତିଶଗଡ ପୁଲିସକୁ ଲିଖିତ ଆକାରରେ ସମସ୍ତ ପ୍ରଶ୍ନର ଉତ୍ତର ଜଣାଇଛନ୍ତି । ଏହାପରେ ରମଣ ସିଂହ କହିଛନ୍ତି ଛତିଶଗଡରେ ପୁଲିସ ଶାସକ ଦଳ କଂଗ୍ରେସ ଦ୍ୱାରା ପରିଚାଳିତ ଆଇନ ଦ୍ୱରା ନୁହେଁ । ବିଜେପି ନେତାଙ୍କ ବିରୋଧରେ ଛତିଶଗଡ଼ର ଶାସକ ଦଳର ଏହା ଏକ ଷଡଯନ୍ତ୍ର ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭାବମୂର୍ତ୍ତି କ୍ଷୁର୍ଣ୍ଣ କରିବା ପାଇଁ ବିଜେପି ନେତା ସମ୍ବିତ ପାତ୍ର ଏକ କଂଗ୍ରେସର ଏକ ଟୁଲକିଟକୁ ଟ୍ୱିଟ କରିଥିଲେ । ହେଲେ ଏହା ଜାଲ ବୋଲି କଂଗ୍ରେସ କହିଥିଲା । ପରେ ଟ୍ୱିଟର ସମ୍ବିତଙ୍କ ସେହି ଟ୍ୱିଟକୁ ‘ମାନିପୁଲେଟଡ ମିଡିଆ’ ବୋଲି ଦର୍ଶାଇଛି । ବିଜେପି କହିଛି ମୋଦିଙ୍କ ଭାବମୂର୍ତ୍ତି ଖରାପ କରିବା ପାଇଁ କଂଗ୍ରେସ ଯେଉର୍ ଟୁଲକିଟ ତିଆରି କରିଛି ଏହାର ମୁଖ୍ୟ ଲେଖକ ସୌମ୍ୟ ବର୍ମା । ସେଣ୍ଟ୍ରାଲ ଭିଷ୍ଟା ପ୍ରକଳ୍ପକୁ ମୋଦିଙ୍କ ଘର କହି କଂଗ୍ରେସ ଯେଉଁ ଖରାପ ଭାବମୂର୍ତ୍ତି ତିଆରି କରିବାକୁ ଷଡଯନ୍ତ୍ର କରିଥିଲା ତାର ମୁଖ୍ୟ ନାୟିକା ସୌମ୍ୟ ବର୍ମା । ସେ କଂଗ୍ରେସ ସାଂସଦ ପ୍ରଫେସର ରାଜୀବ ଗୌଡାଙ୍କ କାର୍ଯ୍ୟାଳୟ ସହିତ ଜଡିତ ।
ଟୁଲକିଟ ମାମଲାକୁ ନେଇ ଚାଲିଛି ଛକାପଞ୍ଝା, କଂଗ୍ରେସ ନେତାଙ୍କୁ ପୁଲିସ ସମନ
