ନୟାଗଡ଼, (ବାଘୁଆବାର୍ତ୍ତା): ଇଟାମାଟି ଥାନା ପୁଲିସ ପକ୍ଷରୁ ଦୁଇଟି ମଦ ଆଡ୍ଡା ଉପରେ ଚଢଉ କରାଯାଇଛି । ଚଢଉ ବେଳେ ପୁଲିସ୍ ୮ଲିଟର ମଦ ଜବତ କରାଯାଇଥିବା ବେଳେ ଦୁଇ ଜଣ ଅଭିଯୁକ୍ତକୁ ଗିରଫ୍ କରାଯାଇଛି । ସୂଚନାନୁସାରେ, ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଇଟାମାଟି ଅଞ୍ଚଳର ଦୁଇଟି ସ୍ଥାନରେ ମଦ ଆଡ୍ଡା ଜମୁଥିବା ବେଳେ ପୁଲିସ୍ ବିଶେଷ ସୁତ୍ରରୁ ଖବର ପାଇଁ ଚଢଉ କରିଥିଲା । ଚଢଉ ସମୟରେ କୁମର ସାହୁ(୪୫) ଓ ଗଙ୍ଗାଧର ସାହୁ(୩୩) ଉଭୟଙ୍କ ଠାରୁ ୪ଲିଟର ଲେଖାଏଁ ୮ଲିଟର ଦେଶି ମଦ ଜବତ କରିବା ଉଭୟଙ୍କୁ ଥାନାକୁ ଆଣିଥିଲେ । ଥାନାରେ ଉଭୟଙ୍କ ନାମରେ କେସ୍ ନଂ- ୭୩/୨୧ ଓ ୭୪/୨୧ରେ ଦୁଇଟି ମାମଲା ଋଜୁ କରି ଗିରଫ୍ କରାଯାଇ ଆଜି କୋର୍ଟ ଚାଲାଣ କରାଯାଇଥିବା ନେଇ ଭାରାପ୍ରାପ୍ତ ଥାନା ଅଧିକାରୀ ବସନ୍ତ କୁମାର ସାହୁ ସୂଚନା ଦେଇଛନ୍ତି ।
