ନୟାଗଡ଼, (ବାଘୁଆବାର୍ତ୍ତା): ଗଛ ମୁଳରେ ଦେଶୀ ମଦ ବ୍ୟବସାୟ କରୁଥିବା ବେଳେ ପୁଲିସ୍ ଚଢଉ କରି ଦେଶୀ ମଦ ଜବତ କରିବା ସହିତ ଜଣେ ଅଭିଯୁକ୍ତକୁ ଗିରଫ୍ କରିଥିବା ଜଣାପଡିଛି । ସୂଚନାନୁସାରେ, ନୟାଗଡ଼ ସଦର ଥାନା ଅନ୍ତର୍ଗତ ରଘୁନାଥ ପ୍ରସାଦ ଗ୍ରାମର ସ୍ୱର୍ଗତ ଭିକାରୀ ପ୍ରଧାନଙ୍କ ପୁଅ ଯୁଗଳ ପ୍ରଧାନ(୫୫) ରାଜପାଟଣା ଅଞ୍ଚଳରେ ଏକ ଗଛ ମୁଳରେ ଚୋରା ଲୁଚାରେ ଦେଶୀ ମଦ ବ୍ୟବସାୟ କରୁଥିବା ନେଇ ପୁଲିସ ବିଶେଷ ସୁତ୍ରରୁ ଖବର ପାଇଁ ଆଜି ଚଢଉ କରିଛି । ଚଢଉ ବେଳେ ୫୦ ଲିଟର ଦେଶୀ ମଦ ଜବତ କରି ଯୁଗଳକୁ ଥାନାକୁ ଆଣି ପଚରାଉଚରା କରି ଥାନାରେ କେସ୍ ନଂ ୭୭/୨୧ରେ ମାମଲା ଋଜୁ କରି ଯୁଗଳ ପ୍ରଧାନକୁ ଗିରଫ୍ କରାଯାଇଥିବା ବେଳେ ଆସନ୍ତା କାଲି କୋର୍ଟ ଚାଲାଣ କରାଯିବା ନେଇ ନୟାଗଡ଼ ସଦରଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି ।
