କୁକୁଡା ବୋଝେଇ ପିକଅପ ଭ୍ୟାନକୁ ପିଟିଲା ୧୦ ଚକିଆ ଟ୍ରକ, ଟ୍ରକ ଡ୍ରାଇଭର ମୃତ

କରଞ୍ଜିଆ (ବାଘୁଆବାର୍ତ୍ତା): ପିକଅପ ଭ୍ୟାନକୁ ପିଟିଲା ୧୦ ଚକିଆ ଟ୍ରକ । ଘଟଣାସ୍ଥଳରେ ଟ୍ରକ ଡ୍ରାଇଭର ମୃତ । ୪୯ ନମ୍ବର ଜାତୀୟ ରାଜପଥ ଅଙ୍ଗାରପଦା ନିକଟରେ ଏଭଳି ଦୁର୍ଘଟଣା ଘଟିଛି । ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ରବିବାର ଦିନ ସକାଳେ ୪୯ ନମ୍ବର ଜାତୀୟ ରାଜପଥ ଅଙ୍ଗାରପଦା ନିକଟରେ ଦୁର୍ଘଟଣା ଘଟିଛି । ଏକ କକୁଡା ବୋଝେଇ ପିକଅପ ଭ୍ୟାନକୁ ଏକ ୧୦ ଚକିଆ ଟ୍ରକ ଧକ୍କା ଦେଇଛି । ଫଳରେ ଟ୍ରକ ଡ୍ରାଇଭରଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଛି । ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରିନାହିଁ । ସେପଟେ ଦୁର୍ଘଟଣା ସମ୍ପର୍କରେ ଖବର ପାଇ ଯଶୀପୁର ଥାନା ପୁଲିସ ଘଟଣାସ୍ଥଳରେ ପହଞ୍ଚି ଛାନଭିନ ଜାରି ରଖିଛି ।