ବଡ଼ମ୍ବା, (ବାଘୁଆବାର୍ତ୍ତା): ନଦୀରେ ଗାଧୋଉଥିବା ବେଳେ କଟକ ନୂଆପାଟଣା ଅଞ୍ଚଳର ଜଣେ ନାବାଳକ ମହାନଦୀରେ ବୁଡି ଯାଇ ମୃତ୍ୟୁ ହୋଇଛି । ଖବର ପାଇ ଅଗ୍ନିଶମ ବିଭାଗ ଓ ଓଡ୍ରାଫ୍ ଟିମ୍ ପହଞ୍ଚି ଦୀର୍ଘ ସମୟ ଖାନତଲାସି ପରେ ନାବାଳକର ମୃତ ଦେହ ଉଦ୍ଧାର କରାଯାଇଥିବା ଜଣାପଡିଛି । ମୃତ ନାବାଳକ ଜଣକ ହେଲେ କଟକ ଜିଲ୍ଲା ନୂଆପାଟଣା ଗାଁର ତାହିର ମହମ୍ମଦଙ୍କ ନାବାଳକ ପୁଅ ଅଜମଲ୍ ମହମ୍ମଦ(୮) । ଅଜମଲ୍ ଗାଧୋଇ ଯାଉଥିବା କହି ଘରୁ ବାହାରି ଯାଇ ନିକଟସ୍ଥ ମହାନଦୀ ଘାଟରେ ଗାଧୋଉଥିବା ବେଳେ ବୁଡି ଯାଇଥିଲେ । ସ୍ଥାନୀୟ ଲୋକ ଦେଖି ଆଠଗଡ଼ ଅଗ୍ନିଶମ ବିଭାଗ ଓ କଟକ ଓଡ୍ରାଫ୍ ଟିମକୁ ଖବର ଦେଇଥିଲେ । ଖବର ପାଇ ଉଭୟ ଓଡ୍ରାଫ୍ ଟିମ୍ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଦୀର୍ଘ ସମୟ ଧରି ଖାନତଲାସି କରିଥିଲେ । ଦୀର୍ଘ ସମୟ ପରେ ନାବାଳକର ମୃତ ଶରୀର ଉଦ୍ଧାର କରାଯାଇଥିବା ଜଣାପଡିଛି ।
