କେନ୍ଦୁଝର, (ବାଘୁଆବାର୍ତ୍ତା): ବଜ୍ରପାତରେ ୨ଜଣ ମହିଳାଙ୍କ ସମେତ ଜଣେ ଶିଶୁର ମୃତ୍ୟୁ ହୋଇଛି । ଏଭଳି ଅଘଟଣ ଘଟିଛି ଢେଙ୍କିକୋଟ ଅଞ୍ଚଳରେ । ସୂଚନାନୁସାରେ, ଆଜି ଅପରାହ୍ନରେ କାଳବୈଶାଖୀ ବର୍ଷା ସହ ବଜ୍ରପାତ ହୋଇଥିଲା । କେନ୍ଦୁଝର ଜିଲ୍ଲା ଢେଙ୍କିକୋଟ ଅଞ୍ଚଳର ଏକ ଗଛ ମୂଳରେ ଝାଡ଼ଖଣ୍ଡରୁ ଆସିଥିବା କେତେକ ମହିଳା ପୁରୁଷ ଆସ୍ଥାୟୀ ତମ୍ବୁ ଟାଣି ରହୁଥିଲେ । ଘନ ଘନ ବଜ୍ରପାତ ମାରିବା ଯୋଗୁଁ ୨ଜଣ ମହିଳଙ୍କ ସମେତ ଜଣେ ଶିଶୁର ମୃତ୍ୟୁ ହୋଇଛି । ବଜ୍ରପାତରେ ମା ଶିଶୁଙ୍କର ମୃତ୍ୟୁ ହୋଇଛି । ଖବର ଜଣାପଡିବା ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଝାଡ଼ଖଣ୍ଡରୁ ଆସି ଆସ୍ଥାୟୀ ତମ୍ବୁ ଟାଣି ଢେଙ୍କିକୋଟ ଅଞ୍ଚଳରେ ରହି ପ୍ଲାଷ୍ଟିକ୍ ଚେୟାର ଓ ବାଲଟି ବିକ୍ରି କରୁଥିବା ଜଣାପଡିଛି । ଉକ୍ତ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।
