ନୟାଗଡ଼, (ବାଘୁଆବାର୍ତ୍ତା): ଥାନାର ଦାୟୀତ୍ୱ ଗ୍ରହଣ କରୁ କରୁ ଆକ୍ସନ ମୁଡରେ ଓଆଇସି । ରାତି ଅଧରେ ଚୋରା ମଦ ଦୋକାନରେ ଉପରେ ଚଢଉ । ଚଢଉ ସମୟରେ ଚୋରା ମଦ ଦୋକାନୀ ଠାରୁ ୪ପେଟି ମଦ ଜବତ କରିବା ସହିତ ଦେକାନୀକୁ ଗିରଫ କରିଥିବା ଜଣାପଡିଛି । ସୂଚନାନୁସାରେ, ଇଟାମାଟି ଥାନା ଅନ୍ତର୍ଗତ ହରେକୃଷ୍ଣପୁର ଗାଁର କୃଷ୍ଣଚନ୍ଦ୍ର ମହାନ୍ତି ତାଙ୍କ ଦୋକାନୀରେ ଚୋରା ମଦ ବ୍ୟବସାୟ କରୁଥିବା ନେଇ ଇଟାମାଟି ପୁଲିସ ବିଶେଷ ସୁତ୍ରରୁ ଖବର ପାଇ ଗତକାଲି ବିଳମ୍ବିତ ରାତିରେ ଚଢଉ କରିଥିଲା । ଚଢଉ ସମୟରେ କୃଷ୍ଣଚନ୍ଦ୍ରଙ୍କ ଘରୁ ୪ ପେଟି କିଙ୍ଗି ଫିସର ବିଅର ଜବତ କରିବା ସହିତ କୃଷ୍ଣଚନ୍ଦ୍ରଙ୍କୁ ଥାନାକୁ ଆଣି ପଚରାଉଚରା କରିଥିଲା । ଥାନାରେ କେସ୍ ନଂ ୭୨/୨୧ରେ ମାମଲା ଋଜୁକରି ଚୋରା ମଦବ୍ୟବସାୟୀ କୃଷ୍ଣଚନ୍ଦ୍ରକୁ ଗିରଫ୍ କରି ଆଜି କୋର୍ଟ ଚାଲାଣ କରାଯାଇଥିବା ନେଇ ଇଟାମାଟି ଥାନାର ଭାରାପ୍ରାପ୍ତ ଅଧିକାରୀ ବସନ୍ତ କୁମାର ସାହୁ ସୂଚନା ଦେଇଛନ୍ତି ।
