ଭଦ୍ରକ, (ବାଘୁଆବାର୍ତ୍ତା): ବାତ୍ୟା ଆଶ୍ରୟସ୍ଥଳରେ ଜିଲ୍ଲାପାଳ ପହଞ୍ଚି ସ୍ଥିତି ପରଖିଛନ୍ତି । ସୂଚନାନୁସାରେ, ଆସନ୍ତା ୨୨ତାରିଖରୁ ବାତ୍ୟା ୟଶ ଆସୁଛି । ବାତ୍ୟା ୟଶକୁ ଦୃଷ୍ଟିରେ ରଖି ସମୁଦ୍ର ଉପକୂଳବର୍ତ୍ତୀ ଜିଲ୍ଲାର ଜିଲ୍ଲାପାଳମାନଙ୍କୁ ସତର୍କ ରହିବା ପାଇଁ ସ୍ୱତନ୍ତ୍ର ରିଲିଫ୍ କମିଶନର ନିର୍ଦ୍ଦେଶ ଦେଇଛନ୍ତି । କମିଶନରଙ୍କ ନିର୍ଦ୍ଦେଶକୁ ପାଳନ କରିବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି ଭଦ୍ରକ ଜିଲ୍ଲାପାଳ । ଭଦ୍ରକ ଜିଲ୍ଲାପାଳ ଡ଼ ଜ୍ଞାନ ଦାସ ବାସୁଦେବପୁର ଅଞ୍ଚଳରେ ଥିବା ବାତ୍ୟା ଆଶ୍ରୟସ୍ଥଳୀ ହଠାତ୍ ପହଞ୍ଚି ଭିତ୍ତିଭୂମିର ସ୍ଥିତି ପରଖିଛନ୍ତି । ତତସହିତ ଆସନ୍ତା ବାତ୍ୟା ୟଶ ପାଈଁ ପ୍ରସ୍ତୁତ ରହିବା ପାଇଁ ବାତ୍ୟା ଆଶ୍ରୟସ୍ଥଳୀରେ କଣ କଣ ଆବଶ୍ୟକତା ରହିଛି ସେ ବିଷୟରେ ବାତ୍ୟା ଆଶ୍ରୟସ୍ଥଳୀର ପରିଚାଳନା କମିଟି ସହ ଆଲୋଚନା କରିଛନ୍ତି ଭଦ୍ରକ ଜିଲ୍ଲାପାଳ ଡ଼ ଜ୍ଞାନ ଦାସ । ଏହି ଗସ୍ତ ସମୟରେ ବାସୁଦେବପୁର ତହସିଲଦାର ଓ ବିଡ଼ିଓ ଉପସ୍ଥିତ ଥିଲେ ।
