ଭୁବନେଶ୍ୱର (ବାଘୁଆବାର୍ତ୍ତା): ରାଜ୍ୟରେ ଡ୍ରାଇଭ ଇନ ଏବଂ ଡୋର ଷ୍ଟେପ କୋଭିଡ ଟିକାକରଣ ବନ୍ଦ କରାଯିବ । ଭୁବନେଶ୍ୱରରେ ଡ୍ରାଇଭ ଇନ ଟିକା କରଣ ଆରମ୍ଭ କରାଯାଇଥିବା ବେଳେ ବ୍ରହ୍ମପୁରରେ ଡୋରଷ୍ଟେପ ଟିକା କରଣ ଆରମ୍ଭ କରାଯାଇଥିଲା । ମାତ୍ର କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ଏଥିପାଇଁ ଅନୁମତି ଦେଇ ନଥିବାରୁ ଏହାକୁ ବନ୍ଦ କରିବାପାଇଁ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସମସ୍ତ ଜିଲ୍ଲାପାଳ ଏବଂ ମହାନଗର ନିଗମ କମିଶନରଙ୍କୁ ପତ୍ର ପଠାଇଛନ୍ତି । ସାଧାରଣତଃ ଟିକା କରଣ କୋଠରୀରେ ଟିକା କରଣ କରାଯାଇଥାଏ । ଏଠାରେ ଅଧଘଣ୍ଟା ପର୍ଯ୍ୟନ୍ତ ଅବଜରଭେସନ ରଖାଯାଏ । କୌଣସି ପାଶ୍ୱର୍ ପ୍ରତିିକ୍ରିୟା ଦେଖାଗଲେ ତୁରନ୍ତ ଚିକିତ୍ସା କରିବାର ଆବଶ୍ୟକତା ରହିଛି । ସେଠାରେ ୱେଟିଂ ରୁମ ବା ପ୍ରତୀକ୍ଷା ସ୍ଥାନ, ବିଶ୍ରାମ ସ୍ଥାନ ରହିବା ଆବଶ୍ୟକ । ମାତ୍ର ଡ୍ରାଇଭ ଇନ ଏବଂ ଡୋର ଷ୍ଟେପ ଟିକା କରଣରେ ଏହି ବ୍ୟବସ୍ଥା ନଥାଏ । ଏଥିପାଇଁ ଡ୍ରାଇଭ ଇନ ଏବଂ ଡୋର ଷ୍ଟେପ ଟିକା କରଣ ବନ୍ଦ କରିବା ପାଇଁ ନିର୍ଦ୍ଦେଶ ଦିଆଯାଇଛି ।
