ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାର ସଫଳ ଚାଷୀ ତଥା ଭରତ ଲୀଳା ନାଟକ(ଦୁଆରୀ ନାଚ)କୁ ଜିଲ୍ଲା ଏବଂ ଜିଲ୍ଲା ବାହାରେ ଲୋକପ୍ରିୟ କରିଥିବା ବିଶିଷ୍ଟ କଳାକାର ଭିକ୍ଷାକାରୀ ମହାପାତ୍ର(୮୫)ଙ୍କ ଆଜି ପୂର୍ବାହ୍ନରେ ଡିଆଁପଡ଼ା ସ୍ଥିତ ବାସଭବନରେ ପରଲୋକ ଘଟିଛି। ସେ କିଛି ଦିନ ଧରି ବାର୍ଦ୍ଧକ୍ୟ ଜନିତ ରୋଗରେ ପୀଡିତ ହୋଇ ଶଯ୍ୟାଶାୟୀ ଥିଲେ। ସ୍ବର୍ଗତ ଭିକ୍ଷାକାରୀ ମହାପାତ୍ର ନୟାଗଡ଼ ଜିଲ୍ଲାରେ ପ୍ରକାଶ ପାଉଥିବା ଗ୍ରହରାଜ ସପ୍ତାହିକ ଖବର କାଗଜର ପ୍ରତିଷ୍ଠାତା ସମ୍ପାଦକ ସ୍ବର୍ଗତ ହରିହର ମହାପାତ୍ରଙ୍କ ଜ୍ୟେଷ୍ଠ ଭାଇ ଥିଲେ।
