ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ସଦର ବ୍ଲକ ଓ ଓଡ଼ଗାଁ ବ୍ଲକର ଅଙ୍ଗନବାଡ଼ିଙ୍କୁ ଆଜି ସ୍ମାର୍ଟ ଫୋନ ମିଳିଛି । ଭିସି ମାଧ୍ୟମରେ ଅନୁଷ୍ଠିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ସ୍ମାର୍ଟ ଫୋନ ପ୍ରଦାନ କରାଯାଇଛି । ସୂଚନାନୁସାରେ, ଅଙ୍ଗନବାଡ଼ି କର୍ମୀ, ସୁପରଭାଇଜର ଏବଂ ସିଡିପିଓ ମାନଙ୍କ କାଗଜପତ୍ର ବଦଳରେ ସବୁକାମ ସ୍ମର୍ଟ ଫୋନରେ କରିବା ପାଇଁ ରାଜ୍ୟ ସରକାରଙ୍କ ତରଫରୁ ବ୍ୟବସ୍ଥା କରାଯାଇଛି । ଆଜି ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ, ଡିଏସଡବ୍ଲ୍ୟୁଓ, ଓଡ଼ଗାଁ ଓ ନୟାଗଡ଼ ବ୍ଲକ ସିଡିପିଓ ଅଙ୍ଗନବାଡ଼ି କର୍ମୀଙ୍କୁ ସ୍ମାର୍ଟ ଫୋନ ଯୋଗାଣକୁ ଉଦଘାଟନ କରିଛନ୍ତି । ସରକାରଙ୍କ ୫ଟି ଅଧିନରେ ସରକାରୀ କାର୍ଯ୍ୟକୁ ସରଳୀକରଣ କରିବା ପାଇଁ ଏହି ସ୍ମାର୍ଟ ଫୋନ ପ୍ରଦାନ କରାଯାଇଛି । ଏଥିସହିତ ଦୁଇ ବ୍ଲକ ସମସ୍ତ ଅଙ୍ଗନବାଡ଼ି କର୍ମୀ ଭିସି ମାଧ୍ୟମରେ ଯୋଗ ଦେଇଥିଲେ ।
